+ Eugenius episcopus servus servorum dei dilecto filio Guarnerio abbati sancti Galli¹ eiusque successoribus canonice substituendis in perpetuum. + Quotiens illud a nobis petitur, quod religioni et honestati convenire dinoscitur, animo nos decet libenti concedere et petentium desideriis congruum impertiri suffra||gium. Eapropter dilecte in domino fili tuis iustis postulationibus gratum impertientes assensum ecclesiam, quam in honore beatorum confessorum Egidii et Leonardi^a)2 || pia devotione in fundo commissi tibi monasterii construxisti, sub beati Petri et nostra protectione suscipimus et presentis scripti privilegio communimus, statuentes, ut quascumque possessiones quecumque bona eadem ecclesia in presentiarum iuste et legitime possidet aut in futurum concessione pontificum, largitione regum vel principum, oblatione fidelium seu aliis iustis modis deo propitio poterit adipisci, eidem ecclesie firma et illibata permaneant. Decernimus ergo, ut nec successoribus tuis nec alicui omnino hominum fas sit bona ipsius ecclesie˛ temerario ausu auferre, minuere seu modis quibuslibet perturbare, sed omnia integra conserventur eorum, qui in ea domino assidue militaverint, usibus omnimodis profutura, salva tui monasterii debita iustitia et reverentia. Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit, secundo tertiove commonita si non satisfactione congrua emendaverit, potestatis honorisque sui dignitate careat reamque se divino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Iesv Christi aliena fiat atque in extremo examine districte ultioni subiaceat. Cunctis autem eidem loco iusta servantibus sit pax domini nostri Iesv Christi, quatenus et hic fructum bone actionis percipiant et apud districtum iudicem premia eterne pacis inveniant. + Amen. Amen. Amen. + ||
(R)^b) Ego Evgenius catholice ecclesie episcopus subscripsi. (BV).||
Dat. Rome apud sanctum Petrum per manum Bosonis^c)3 sancte˛ Romane˛ ecclesie scriptoris id. febr. indict. I. incarnationis dominice˛ anno M°.C°.L°.II°. pontificatus vero domni + Eugenii + pape III. anno octavo.

Source Fulltext: Chartularium Sangallense III, Nr. 909, S. 31-32.