Omnibus Christi fidelibus presentem cedulam inspecturis Rudolfus de Glatteburch senior¹ noticiam subscriptorum. Rerum gestarum sapere patet certitudinem, ut ipse ad tollendam futuram calumpniandi materiam scripturarum et testium aminiculo perhennentur. Noverint igitur universi tam posteri quam presentes, quod eo^a) advocaciam scůpoze site in Vtwiler², quam incolit dictus Obpreht, de qua mihi IIII^or pulli et unus solidus denariorum annis singulis solvebantur, dilectis in Christo magistre et conventui monasterii Munsterlingen³ ordinis sancti Augustini pro V libris denariorum monete Constantiensis pleno et libero iure, quo et mihi eadem pertinuit, de consensu omnium ac singulorum filiorum meorum scilicet Růdolfi V^olrici et Hainrici vendidi tam pro me quam pro eisdem filiis meis sive heredibus nunc habitis vel habendis inposterum omni iurisdictioni, que mihi vel eisdem in dietam advocatiam competebat vel competere posset, decetero sine dolo et fraude qualibet renunciando. In cuius testimonium et robur firmius prefatis magistre et conventui nomine dicti monasterii sui presens instrumentum contradidi sigilli mei, in quo prenominati filii mei quoad certificandum pretaxatum contractum libere consenserunt, robore communitum. Acta sunt hec Constantie in stupa Hainr. dicti Cingew^os presentibus Joanne milite de Růterberch⁴, iam dicto Hainr. Cingewos, Berchtoldo filio suo, Hainr. dicto de Tetikoffen⁵ civibus Constantiensibus, dicto Richenwiler et dicto Cranger aliisque quampluribus, anno domini M CC LXVII, VI feria post letare, indictione X.

Source Fulltext: Chartularium Sangallense IV, Nr. 1783, S. 15.