Universis hanc paginam inspecturis Burkardus et Bertholdus fratres de Kiselegge¹ fidem adhibere subscriptis. Noverint universi, quod, cum nos ad peticionem Hainrici de || Burgberg² filii sororis nostre in lecto egritudinis constituto^a) ob remedium anime sue promiserimus reverendis in Christo Eberhardo abbati || et conventui monasterii de Salem³ possessiones ad summam redditus quatuor librarum usualis monete tradere et traditas assignare, nos, ut predicta || donatio seu tradicio firmitatis robur posset obtinere, cum a reverendo domino abbate sancti Galli⁴, cuius sumus ministeriales, humiliter a nobis exquisito fuerit denegatum nec concessum, ut possessiones nostras in Hivndelwang⁵, videlicet curiam dietam vnder der Aiche, que solvere debet duas libras minus uno so Udo, et curiam dietam Liupolts sûns, que solvere debet XV solidos, et curiam Hainrici Nigri, que solvere debet XVII solidos et VI denarios, et curiam Hainrici superius in villa, que solvere debet VII solidos, et possessiones dictas in der Bivnde, que solvere debent III solidos, que iure proprietatis ad nos spectabant, per manus suas, secundum quod moris est, possemus contradere, ipsas possessiones contulimus et tradidimus Hainrico dicto de Luterach⁶ filio nostre sororis, qui et ipsas contulit domno Volkmaro de Kemnat⁷, quod et facere poterat, eo quod pro media parte uterque fuerat eiusdem condicionis. Sane idem domnus de Kemnat pro parte existens ministerialis ecclesie Augustensis et pro parte ministerialis inperii ipsas possessiones libere possessas accedente consensu et voluntate reverendi in Christo patris domini Hainrici^b) dei gratia Augustensis episcopi⁸ transtulit in monasterium de Salem sepedictum libere donando ac conferendo pacifice perpetuo possidendas⁹. Acta sunt hec in prato apud Immendorf¹⁰ anno domini M°CC°LXIX°, XV° kal. octobr. subnotatis testibus presentibus et rogatis, videlicet nobilibus viris Růdolfo comite de Monte Forti¹¹, Berhtoldo de Druhburg¹², Marquardo de Kemnat¹³, Berhtoldo dapifero de Rordorf¹⁴, Berhtoldo de Zîl¹⁵, Diepoldo de Luterach⁶, Cůnrado de Voenenberg¹⁶, Hainrico de Râzenriet¹⁷ militibus, de fratribus vero de Salem fratre Hainrico quondam abbate in Isenina¹⁸ et fratre Eberhardo de Stekboron¹⁹ et aliis quam pluribus probis viris. In cuius rei evidentiam presens instrumentum conscribi fecimus et sigillis nostris necnon sigillo Diepoldi de Luteras^c), quo et Hainricus filius suus et filius nostre sororis sepedictus utitur, duximus roborandum.||
Ego vero Hainricus de Luterach predicta omnia, prout premissa sunt, profiteor esse vera et per me, ut narrata sunt, fore facta, et quia sigillum proprium non habeo, usus sum sigillo patris mei in hoc facto.

Source Fulltext: Chartularium Sangallense IV, Nr. 1839, S. 50-51.