In nomine domini amen. Universis presencium inspectoribus R. dei gratia comes Montisfortis¹ salutem cum noticia subscriptorum. Quoniam ex oblivione nascitur ignorancia, decrevit sanctorum patrum auctoritas || scriptis innodare ea, que volumus firma et rata permanere. Noscant igitur presentes ac posteri, quibus presentes littere ostense fuerint, quod nos R. comes de Monteforti predium nostrum situm in Kaicharron², videlicet || vineam cum omnibus appendiciis, curiam que dicitur der Babun Kint³, curiam dicti dez Torwartin³ et curiam dicti Tivvillins³ cum universis eisdem curiis attinentibus, in montibus, in planis, silvis, ne||moribus, arboribus, pratis, agris, aglis^a), cultis et incultis, viis et inviis, aqueductibus, alpibus et aliis qualicumque modo nominatis omni iure proprietatis reverendo in Christo . . abbati sancti lohannis ac conventui monasterii in Turtal⁴ legitima servata vendendi consuetudine pro XL^a marcis puri argenti vendidimus omni vexatione remota libere possidendo^a). Est etiam taliter constitutum^b), quod homines super eodem predio sedentes a nobis nostrisque heredibus ac ministerialibus deinceps omni lesione postposita sive calumpnia sedeant cum quiete predicto monasterio plenarie servituri preter statutum ius advocacie nostre, cui dicti homines nobis et nostris heredibus debent existere obligati. Quod si nos vel aliquis heredum nostrorum dyabolice inspirationis instinctu contra dicti predii donationem procedere attemptaverimus vel molestias inferre voluerimus preter per nominatum ius advocacie et cum de dicta lesione aut molestia amoniti fuerimus et si memorato monasterio nolumus satisfacere aut ablata restituere, obligavimus nos nostrosque heredes per censuram ecclesiasticam nomine pene vallate L marcas argenti sinceris^a) sine contradictione qualibet reddituros. Si vero dictum argentum infra spacium illius anni, quo amoniti fuerimus, persolutum non fuerit, subiungimus preterea nos ab episcopo illius terre cum tota familia anathematis gladio percussuros. Testes autem, qui huic rei cum fieret astiterunt et se subscribi fecerunt, sunt hii: Waltherus nobilis de Vaz⁵, E. Boemus⁶, Dietricus dictus Heller⁷, C. Scheid, Ludiwicus de Monteforti⁸, R. Wildebehaim⁹ milites, R. minister de Tuvirs¹⁰, Ber. dictus Bart, H. minister de Tunnis¹¹, Albertus de Bůch¹², Her. theloniator et alii quamplures. Et ut ista firma et rata permaneant et a nostris heredibus non cassentur, presentem paginam sepedicto abbati ac conventui damus in testimonium sigilli nostri munimine roboratam. Acta sunt hec anno dominice incarnationis M°.CC°LXX°, inditione XIII^a. E littera dominicali.

Source Fulltext: Chartularium Sangallense IV, Nr. 1872, S. 70-71.