Alle die disen brief ane sehint alder ho^erint lesin, den kivnde ich Fr. vnd^a) ich Wil. wir gebro^vder beide von Tog||ginbvrch¹, de wir den bro^vdern von Bo^vbinchon Santihannes ordines von dem spitale ze Iervsalem² gegebin haben || die vogteige vber den hof ze Hivnewille³ vnd vber alle^b) die livte vnd dc go^vt alliz, de in den selbin hof ho^erit || vnd zinshaft ist dem gotshvse ze Santihanne in Tvrtal⁴, vnd svn die selbin bro^vdir vnsirn vetirn Diethel.⁵ solich machon, dc er in der eiginscefte sinen vieirdin teil gebe, vnd haben wir gelobit den bro^vdern, seiwene siv de mit D. vnsirme vetern gescafont, dc o^vch wir Fr. von Lanprehtscwille⁶ vnd Hei. ab Egge⁷ solich machen, dc siv die vogteige Dieth. vf geben vnd dir mitte to^vgen, des die bro^vder von Bo^vbinchon bedvrfm. Ist o^vch de die selbin bro^vder dvnchit, de siv decheiner verrihtvnge von Bvr. a der Lo^vbin vnd Ber. sime bro^vdir⁸ bedvrfen, dc svn wir inen o^vch scafon, vnd so diz vol braht wirt, so svn vns die bro^vdire sehs marche. Vnd dc dis alliz steite belibe ane geveirde, darvnbe gabin wir den selben bro^vdern von Bo^vbinchon disen gegenwrtigen brief mit vnsirn insygeln besigelt.

Source Fulltext: Chartularium Sangallense IV, Nr. 1908, S. 97.