Universis praesencium inspectoribus nos commendator et fratres sacra domus Ierosolimitanae de Buobenkove¹ salutem. Noverint universi tam praesentes quam et postmodum adventuri, quod reverendi in Christo Cunradus abbas et conventus monasterii de Turtal² ordinis sancti Benedicti Constantiensis dicecesis nos vel eos, qui pro tempore fuerint successores nostros, advocatos sibi super curiam dictam ze Hedeberg³ et homines ad eam spectantes necnon curiam villici de Hünevviler⁴ una cum hominibus et ceteris bonis quibuscumque aliis ad iam dictam curiam vel in eam advocatias iure spectantibus ex nunc in antea acceperunt prsesentibus et acceptaverunt. Praeterea notandum, quod nos cum nobilibus viris comitibus de Tokenburg accedente consensu et rogatu pradictorum dominorum abbatis et conventus ita composuimus, quod iamdicti de Tokenburg nobiles omni iuri et impeticioni, quod vel quam in ipsa habuerunt advocatia, pro defensione et emendatione eorum monasterii penitus renunciarunt⁵, eo tamen pacto inter nos alterutrum deducto, quod ipsi abbas et conventus pro tractatu huius advocatise plenam nobis warandiam debeant praestare et nos ipsos homines non amplius quam ad antiquam advocatiae pensionem, quod vulgariter vogetstüre dicitur, coartare. In cuius rei testimonium praesens scriptum sigillis nostris duximus roborandum. Datum anno domini millesimo ducentesimo septuagesimo secundo, in die sancti Petri, praesentibus Vval. de Zezinkon⁶, Jo. de Tûbelndorf⁷ sacerdotibus, Al. de Hedenvvang⁸ et Al. dicto Probest ceterisque fidedignis.

Source Fulltext: Chartularium Sangallense IV, Nr. 1907, S. 96.