Wizzin alle, die disen brief sehent, ho^erent aide uurnement, daz ich her Rv^odolf uon Rorschach dienstman des gotshuses uon sante Gallen uurchovft han min eigen ce^a) Lanchwatte, allez daz ich da || han, mit allem recte dem samenunge vnde dem conuent in dem Brv^ele ce sante Gallen vnde die eigenschaft des selben gv^otes mit der gunst mins herren abbt V^olriches uon sante Gallen geborns uon || Gvttingen¹ vnde mit siner hant han gegeben, vnde hant die swestran vzzer dem conuent daz selbe eigen enphangen uon ime umbe zwei pfunt wachses ce cinse iergelich. Man sol ovch wizzen, || daz ich gelobt han dien selben swestron, daz ich inen daz selbe gv^ot uurrichten sol mit miner wirtinne vnde mit allen minen chinden², die des gv^otes genôs sint, vnde swes si bedurfen cir gewarsami daz gv^ot ce behanne mit recte. Vnde sol ir wer sin des gv^otes gegen allermenlichem ce recte ich vnde minv chint. Ich han ovch gelobt, swes si ce gewarheit bedurfen gegen mime herren abbt V^olriche, der iezont ist, aide decheime sime nachomen, daz ich vnde minv chint inen daz uolrichten vnde daz ich vnde minv chint uoluu^eren allez, daz hie uor geschriben stat. Dar vmbe gibe ich inen dise gisele: hern V^olrichen uon Ramswach³, hern Egelolfen min brv^oder⁴, hern Chv^onraten uon Sulzberg⁵, hern Chv^onraten den schenchen uon Landegge⁶, hern Heinrichen den voget vnde hern Burcharten sin brv^oder uon Wartensê⁷, hern V^olrichen uon Vttewile⁸ rittere, Eberharten uon Bichelnse⁹ miner tochter man, Diethelmen den Bv^oler uon Rorschach, hern V^olrichen Lestin, Chv^onraten Veschan, Johannesen vnde Rv^odolfen die Chvchimeister¹⁰ burger uon sante Gallen. Vnde hant die selben gisele gelobt, swa ich alde minv chint nvt uoluůrtin, daz hie uor geschriben stat, swenne si darumbe gemant werdent, daz si sich antwurtent ce sante Gallen ce rechter giselschefte inrunt acht tagen nach der selbun manunge, vnde niemer dannan chont, ê ich uolrichte alde minv chint, swes da gebristet ce uolendonne. Diz geschach ce sante Gallen, da die waren, der namen hie nach geschriben stant: her Walther uon sante Fidun¹¹, her Rv^odolf der Marschalch, her Heinrich der helfer uon Rorschach, meister Andres uon Willeberg, her Otto uon Einwile, Heinrich Meldeli vnde Rv^odolf sin brv^oder, her Gerwig der Peier, her Heinrich Wipfe, her Jacob der Blarrer, Heinrich sin brv^oder, her Hug Vo^eli vnde her Christan sin brv^oder, her V^olrich Ceizzolf, Egelolf der Mvncer¹², Johannes Ovgeli¹³ burgerre uon sante Gallen, do uon gottes geburttage waren tusent vnde zwei hundert vnde sibencich^b) vnde uunf iar, an dem mentage nach dem ingenden iare. Vnde darumbe, daz diz allez stete belibe, so hench ich vnde die siben rittere, die da uor gescriben stant, vnser ingesigele an disen brief zeinem vrchvnde. Die gisele, die da vor geschriben sint, die hant die^c) giselschaft gesworn alle, wan des uon Ramswach, der het si gelobt eneideswis.

Source Fulltext: Chartularium Sangallense IV, Nr. 1941, S. 118-119.