Universis Christi fidelibus presentem paginam inspecturis Engelburg.^a) abbatissa totusque conventus monasterii in Maggeno^v1 || Cisterciensis ordinis orationes in domino cum noticia subscriptorum. Ut contractus bone fidei consensu mutuo celebrati || perpetue memorie commendentur, expedit eosdem scripturarum indiciis perduci ad memoriam tam presentium quam futurorum. || Noverint igitur tam posteri quam presentes, quod nos pensata monasterii nostri utilitate, habito contractu solempni et expresso, qui in venditionibus rerum ecclesiasticarum adhibendus est iuxta canonicas sanctiones, predium nostrum censuale^b) situm in Wenzincon² reddens annuatim V^que. modios tritici, II°. maltera avene, I. modium leguminum, XV^cim. solidos d(enariorum) Turicen(sium)³, IIII^or. fasciculos lini, LXX^ta. ova et IIII^or. pullos, sub eodem titulo censualis predii venditioni decrevimus exponendum, eo quod pecunia proveniens ex venditione predii eiusdem in maiorem utilitatem^c) monasterii nostri converteretur, et cum inter alios emptores dilecte in Christo . . priorissa et conventus monasterii in Tosse⁴ nobis maius precium optulissent, receptis ab eisdem XIIII^cim. marcis minus uno fertone puri et legalis argenti ponderis in Wintertur⁵, idem predium censuale cum omni iure sub eodem titulo vendidimus eisdem, ut videlicet in festo purificationis beate virginis dimidium fertonem cere ad nostrum monasterium annuatim persolvant, et sub hac forma iusto venditionis titulo idem predium in ipsas transtulimus et transferimus per presentes, inducentes easdem in possessionem eiusdem predii cum suis appendiciis corporalem. Warandiam quoque plenam et securam ipsis de eodem predio prestando presentibus profitemur nos eandem pecuniam a memoratis . . priorissa et conventu monasterii in Tosse recepisse et in utilitatem nostri monasterii fore versam, renunciantes nichilominus omni actioni, exceptioni, consuetudini, in integrum restitutioni, deceptioni ultra dimidium iusti precii, defensioni non adhibite sollempnitatis, edicto edito vel edendo, privilegio impetrato vel impetrando et omni favori legum et canonum, per que hec legittima venditio posset quovis ingenio violari. In cuius rei testimonium presens scriptum eisdem tradidimus sigilli, quo communiter utimur, munimine roboratum. Testes, qui huic contractui intererant, sunt hii: Vol. de Sancto Monte⁶ rector ecclesie in Nvuoron⁷, Peregrinus de Wagenberc⁸ miles, Walt. Blete, Ja. Scult(etus), V^oI. dictus Wezel cives in Wintertur et alii fidedigni. Acta sunt hec anno domini M°.CCo.LXX°VII°, VI°. kl. iunii, indict. V^a.

Source Fulltext: Chartularium Sangallense IV, Nr. 1985, S. 155-156.