Allen den, die disen brief sehent oder ho^erint lesen, dv^on ich Rv^odolf vnde^a) ich Co^vnrat wir gibrv^odir von Bernegge¹ mit disem brîeve kvnt, dc wir die virko^vfûnge vnsirs eigins Ivte || vnde gv^etes ze Ringwile², dc vnsir vatir her Heinrich³ zi geginwirte vnsir mv^oter vron Berthen, hern Rv^edingers vnde Heinrichis⁴ vnsire brv^odere vnde vnsir beîdir, do wir niht warin komin || ze vollen îarin, gab zi ko^vfinne⁵ dem meistir vnde den brv^ederin von Bv^obinkon⁶ santi Johannis spitalis von Jherusalem, vol brahton ze Hvnwile⁷ in der kylchvn, also dc wir vns mit vnsirs || vater hern Heinrichis hant virzigin in hern Diethelmis hant von Windegge⁸, dem vnsir herre abbit Rv^ome von sante Gallin⁹ sinen gewalt dar vber gigebin hatte vnde sinen offin bref von vns vf ze nemmine vnde an siner stat in zi gebine. Dar na, do wir zi vnseren vollin tagin warin komin, do irnvwirotin wir die vor ginantin gift, also dc wir zi Rapretswiler¹⁰ in dere stat vor vnserm herren grauen Rv^odolfe¹¹ vnde vor vil anderen bidirbin lvtin des selbin ko^vfis vnde der vfgebvngi virjâhin, vnde dar zv^o virzigin wir vns abir mit vnsirs vater hant gegin den vor ginantin brv^ederin von Bvbinkon allis vnsirs rehtis vnde allir der ansprache, dv vns alde vnseren erbin vor geisclichem girihte alde vor weltlichem girihte gihelfin mo^ehte, vnde bistatons dar na zi dem selbin male mit einem offinen eîde, den wir dar vber zin heiligin sw^orin, dc wir die brv^odir von Bv^obinkon alliwis an dem gv^ote vnde den lvtin, so sv ko^vftin vmbe vnseren vater vnde in gewer vnde in gewalt dar braht hatton, nîemer geirrin svn mit keiner ansprache noch mit wortin noch mit werchen, vnde ob sv dikeiner sicherheît me dir zv^o bidvrfin wellin, dc wir in des an allv giverde ze leîstinne sin gebvndin vnde dc wir sin ir wem svn sin, swa si es bidvrfint. Vmbe dc dis allis stete blibe vnde vnzirbrochin, alse hîe vor mit schrift bischeîdin ist, so gebin wir disin brîef den vor ginantin brv^oderin mit vnsirre herren des abbitis von Rvti¹² vnde grauin Rv^odolfis des vorginantin vnde vnsirs vater hern Heinrichis von Bernegge insygilin bisigylt vnde givestint. Diz gischach in der vorginantin stat in dem jâre, do von vnsirs herren gibvrte warin virgangin tvsint jâr zweî hvndirt jar eînz vnde ahzig jâr, vor den lvtin, die hîe nach gischribin sint: hern Rv^odolfi dem helpher von Glarus¹³, hern Rv^odolfi von Wedinswile¹⁴, hern Conrade von Schalkon¹⁵, hern Rv^odolfi vonmi Turni¹⁶ der ritire, Conrade dem trvszesi von Eînsidil¹⁷, Petir von Rambach¹⁸, Heinriche von Kaltbrvnnin¹⁹, Rv^odolfi von Wagin²⁰, Rv^odolfi vnde Johannisi giheîzin von Hyndirburg²¹, Dietriche des Sniders, Bertholde dem Costenzer, Walter dem Byziner burgerre von Raprethswiler vnde Rv^odolfi dem Hovesteter von Walistade²², Petir Mv^elistein von Wesin²³, Heinriche dem Theschiler, Wernher dem Brvnner vnde andirre lvti gnvg, den zi gilo^vbin ist. Wir Walter von hvnsirs herrin gnaden der abbit von Rvti des ordins von Premonstre vnde wir graue Rv^odolf von Raprethswiler vnde ich her Heînrich von Bernegge dvr die bette Rv^odolfis vnde^b) Conradis des vorginantin hern Heînrichis svn von Bernegge habin disin geginwirtigin brief givestint mit vnserin insygilin an dem vor gnantin jâr.

Source Fulltext: Chartularium Sangallense IV, Nr. 2066, S. 226-227.