Willehalmus der gratia electus¹ et confirmatus, Bertoldus prepositus² totusque conventus monasterii sancti Galli omnibus presentium inspectoribus noticiam subscriptorum. || Ad noticiam vestram volumus pervenire, quod constitutus in nostra presentia vir strennuus dominus Johannes miles de Scho^enenberch³ curiam sitam in Cilleslatte⁴ cum omnibus || suis pertinentiis, quam a nobis et nostro monasterio tenebat in feodo, ad manus nostras sponte ac voluntate libera resignavit, petens a nobis humiliter ac devote, ut eandem || curiam cum suis pertinentiis dileetis in Christo magistre et conventui sororum in Witingassen infra muros civitatis Constant(iensis)⁵, quam eisdem vendidit emptionis vero titulo precedente pro quadraginta marcis argenti puri et legalis ponderis Constantiensis receptis in pondere integraliter ab eisdem sub censu annuo videlicet tribus fertonibus cere singulis annis nobis et thesaurario nostro in festo beati Galli persolvendis conferre et donare divine pietatis intuito dignaremur. Nos itaque precibus supradicti militis inclinati recepta reconpensatione dictarum possessionum ab ipso Johanne milite de Scho^enenberch in aliis possessionibus videlicet apud Chinzenowe⁶ et apud Bůle⁷, quas nobis et nostro monasterio tradidit, iure proprietatis prefatam curiam in Cilleslatte cum suis pertinentiis et iuribus universis memoratis . . magistre et conventui sororum predictarum in Witingassen sub censu annuo nobis, ut supradictum est, in festo beati Galli annis singulis tribus fertonibus cere in recognitionem dominii persolvendis in nomine domini concedimus et donamus, adhibita nichilominus in ipsa donatione verborum et gestuum sollempnitate debita et consueta, dantes nichilominus . . magistre et conventui sororum superius memoratarum earumque successoribus universis plenam potestatem et liberam facultatem prenotatam curiam cum suis pertinentiis vendendi, alienandi seu alio modo distrahendi, prout eis videbitur expedire, ita tamen, quod emptores prenominate curie sub intersigno prenotati census nobis nostrisve successoribus universis ipsius curie dominium sine qualibet impedimenti materia in perpetuum recognoscant. Confitemur etiam per presentes, quod prefatas possessiones in Chinzenowe et apud Bůle cum omnibus suis pertinentiis et iuribus universis in feodum concessimus predicto militi de Scho^enenberch perpetuo possidendas. In cuius rei testimonium nos Willehalmus electus et confirmatus necnon conventus monasterii sancti Galli supradicti unâ cum sigillis officialis curie Constantiensis et prefati militis de Scho^enenberch instrumento presenti sigilla nostra duximus appendenda. Nos officialis curie Constantiensis ad petitionem supradictorum abbatis et conventus necnon militis memorati huic instrumento sigillum curie nostre duximus appendendum. Acta sunt hec Constantie in curia Cůnradi Monetarii eiusdem civitatis, anno domini M°CC°.LXXX°II°. pridie^a) non. iulii, indictione X^a. Presentibus discretis viris Cv^onr. de Annewiller⁸, Hugone dicto Hauener militibus, Wezzelonide Hegi^v9, Cůnrado Monetario, Růdolfo dicto der slehte Jo^ehelaer, Hainr. de Tettinkouen¹⁰, Hainr. dicto Strit, Hainr. dicto Hendelin, Cv^onr. dicto Spůlen, Friderico de Roggewiller¹¹, V^olrico dicto Vblin, Hugone dicto Venedier, Cv^onr. dicto Schilin, Cv^onr. dicto Vron Hedinun, Cv^onr. filio magistri Hainr. scriptoris civitatis¹² antedicte, V^olr. dicto Schiltaer, Martino et Bertoldo dicti^b) Schumlin, magistro Friderico dicto Clocher, V^olrico dicto Schurbrant et Hugone dicto Tuggewasen et aliis quam pluribus fidedignis.

Source Fulltext: Chartularium Sangallense IV, Nr. 2086, S. 242-243.