Herre Cv^onrat hern Azzen der amman von Kostinze¹ kvndit allen, die disen || brief sehent vnd^a) horint lesen, daz herre Rv^odolf von Rinegge² der ritter vor^b) im an sprach vron || Gv^oten Marquardis hvsvro^vwen von Bvrgelon³, si waere sin. Do^c) sprach si, si horte ze Petirshvsen⁴. || Do wart ir ain tac gebin, daz si fvr brehte ir herren, der si werit nah rehte. Ze ivngest wart in ain tac gebin fvr in an dem maentage vor sant Jacobis tvlt, daz siv^d) baidenthalp reht nemen. Dar kam der abbit von Petirshvsen vnd o^vch der Rinegger vnd div vro^vwe vnd ir wirt vnd stv^onden mit fvrsprechin. Da wart der von Schoninberch⁵ vrtailde gevraget, der ertailte bi dem aide, mohti si der von Rinegge besezzin mit ir mv^otir magen, swer die waeren, daz er des genvzze. Do sprach herre Cv^onrat der Joheler, ez dvhte in nivt reht, vnd ertailte, daz er si nivt mohte besezzen, wan mit ir mv^otir magen, die ir genoz waeren, vnd wart o^vch div vrtail div mere. Do wart der von Schoninberch gevraget, ob er sin vrtail wolte ziehen^e) oder ieman in sinem taile. Die en wolte er noch^f) nieman ziehen in sinem taile^g). Do sprach der von Rinegge, so wolte er si besezzin, als im ertailit were. Daz wider sprach herre Cv^onrat der Joheler vnd ertailte, sit die vrtail nieman ziehen wolti, daz der von Rinegge vber daz nivt me mit ir hete ze tv^ene, vnd si solte horen ze Petirshvsen ane wider rede. Daz wider sprach herre Marcquart von Schellinberch⁶, vnd ertailte daz vf sinen ait, sit der von Rinegge sich vermêsse, er wolte si besezzin, als im ertailt were, mit ir mv^otir magen vnd ir genozzen^h), die besezzvnge solte man zv^o lazin. Div vrtailde wart div minre. Do wart der von Schellenberch gevraget, ob er die vrtail wolti ziehin oder ieman in sinem taile. Do stv^ont herre Hainrich von Rinegge⁷ hern Rv^odolfiz brv^oder vf vnd sprach, er wolte die vrtail ziehen nieman ze liebe noch ze laide wan dar vmbe, daz si in reht dvhte, vnd swůr dez vf den hailigen vnd zoch die vrtail fvr den bischof vnd den vogit, alse reht waz. Vnd daz diz war si, als an disem brieve geschriben ist, vnd also beschach, dar vmbe so git der vor genande herre Cv^onrat der amman von Kostinze sin insigel an disen gegenwrtin brief. Datum et actum Constantie loco et die antedicto, anno domini M°.CC°.LXXXII°. presentibus quampluribusⁱ⁾ fidedignis.

Source Fulltext: Chartularium Sangallense IV, Nr. 2088, S. 245-246.