Item do man zalt von der menschwerdung Christi M.CC.LXXXIII. iar, sind do zů mal die frowen¹ vber ain kumen all mit ain andren also, welhi vss irem goczhus kum nach der provesß, es sig můtwilliklich oder durch verdienen, das die berobet sol sin zitliches vnd gaistliches gůcz etc. Es sol och ain ietlichi schwo^ester dz geloben zů haltind in ir provesß, vnd dz zů merung der observancz aines ordilichen lebens. Vnd stond die schwo^estren da benemt, die sich des geaint hand, des ersten Ma^echiltis von Râwil priorin², Gůten von Blattim³ supriorin, Machthiltis von Balga⁴, Adelhait Serenin⁵, Hilta, Judenta von Martpach⁶, Gůta vnd Diemůt von Raine⁷, Katherina von Merspurg⁸, Adilhait Vo^elin⁹, Adelhait O^eglin⁹, Adelhait von Algo^v10, Elisabet Vo^elin, Ita von Huntwil¹¹, Adelhait Veschenin⁹, Judenta Vo^elin, Engeltrut von Appencel¹², Gertrut Hůterin⁹, Gertrut Harbergin, Engeltrut von Kilchain¹³ vnd Go^etlin. Dissi obgenamten schwo^estren warend do zů mal samlingerin Prediger ordens. Disser vber kumnus habend wir ainen versigleten brief mit II sigeln, des anfang stat also: In nomine domini amen. Ut instituta et ordinata a personis regularibus, vnd ist diser brief vsen gezaichnet mit dem bůchstaben E. Dis ist beschechen mit verwilgung ir obren.

Source Fulltext: Chartularium Sangallense IV, Nr. 2113a, S. 266-267.