Omnibus presencium^a) inspectoribus Engelburgis abbatissa¹, Elizabeth priorissa² totusque conventus monasterii in Maggenowe^b) ordinis || Ci|sterciensis Constantiensis dyocesis subscriptorum noticiam cum salute. Ut contractus bone fidei consensu mutuo celebrati sub stabilitate perpetua incom||mutabiliter perseve|rent, scripturarum indiciis tenaci debent memorie commendari. Noverint itaque universi tam posteri quam presentes, quod cum monasterium || nostrum gravibus esset^c) op|pressum oneribus debitorum et ab eisdem non posset nisi per vendicionem possessionum eiusdem aliquatenus liberari, nos tractatu sollempni prehabito et premisso, qui in alienacionibus rerum ecclesiasticarum adhibendus est et premittendus iuxta canonicas sanctiones, possessiones nostras in villa Ermethingen^d)3 sitas cum molendino ibidem sito, pratis, pomeriis, domibus et areis, necnon vineam et curiam dictam an dem Wegê^e) sitas prope Salunstain⁴ cum ipsarum pertinenciis^a) et iuribus universis vendicioni decrevimus exponendas. Et cum inter alios emere volentes dilectus in Christo magister Bertoldus^f) scolasticus ecclesie Thuricensis et canonicus ecclesie sancti Johannis Constant(iensis)⁵ nobis maius et utilius precium obtulisset, receptis ab ipso quinquaginta octo marcis et dimidio fertone puri, fini et legalis argenti ad pondus Constant(iense), de quibus ab eo nobis fore recognoscimus satisfactum, possessiones predictas sibi ementi easdem ad dotem altaris per ipsum in ecclesia sancti Johannis predicta constructi in honore beate Verene virginis⁶ et aliorum sanctorum statuenti et ordinanti, ut sacerdos eiusdem altaris, qui nunc est vel qui pro tempore fuerit, eidem altari in missarum celebracione^a) tam pro remedio animarum parentum suorum quam eciam^a) anime sue perpetuo irrevocabiliter et incommutabiliter serviat cum effectu, vendidimus et ad sui peticionem dominium ac possessionem earundem possessionum cum suis pertinenciis universis super altare predictum et in ipsum altare transtulimus, adhibitis in ipsis vendicione ac translacione^a) verborum et gestuum sollempnitatibus debitis et consuetis, ita^g) tamen, quod ipse possessiones cum suis pertinenciis ab altari iamdicto numquam possint distrahi vel aliquatenus alienari^g), accedente eciam^a) ad hoc consensu venerabilis patris ac domini nostri divina permissione Volkgeri^h) abbatis monasterii in Wêtthingenⁱ⁾⁷ nostri ordinis, cui immediate^k) dinoscimur fore subiecte. Pecuniam autem prefatam^l) nos recepisse confitemur ab ipso magistro Bert(holdo)^m) et eam in evidentem utilitatem nostri monasterii recognoscimus esse conversam, obligantes nichilominus nos nostrumque monasterium et nobis inposterum succedentes ad satisfactionem et caucionem^a) evictionis possessionum memoratarum cum suis pertinenciisⁿ⁾ in toto et in singulis partibus earundem, et quod easdem possessiones in toto et in parte liberas et absolutas reddemus a quorumlibet impeticionibus, questionibus vel impeticione^o) aut eciam^a) questione. Et ut ea, que premissa sunt, per nos consensu unanimi accedente et libera voluntate rite et legitime^p) consumata^q) nullo unquam^r) possint tempore violari, renunciamus^a) circa ipsa et quodlibet eorundem beneficio restitucionis^a) in integrum, litteris a sede apostolica vel aliunde impetratis aut eciam^a) impetrandis, defensioni^s) non adhibite sollempnitatis, excepcioni^a) doli metusve causa, non numerate pecunie, non tradite, non solute et generaliter omni suffragio^t) legum et canonum, tam in specie quam in genere, quo mediante ea, que predicta sunt, vel ipsorum quodcumque possent quovis ingenio violari, appendentes ad indicium perpetue firmitatis presentibus sigillum, quo nos . . abbatissa utimur supradicta, quo eciam^a) sigillo nos . . priorissa et conventus monasterii prelibati, cum proprio careamus, usi sumus presentibus et contenti, unâ cum appensione sigilli venerabilis domini nostri Volcgeri^h) divina permissione^u) abbatis monasterii in Wetthingen^v) supradicti. Nos Volcgerus^h) divina permissione abbas prelibatus, considerantes prefatam vendicionem monasterio in Maggenowê^b), quod nobis immediate^k) subesse dinoscitur, utilem fore et sine omni dubio profuturam, ipsam et omnia, que sunt prehabita et premissa, scriptis presentibus deliberacione^a) prehabita diligenti ratificamus et approbamus, appendentes huic instrumento ad peticionem eorundem^w) . . abbatisse . . priorisse et . .^x) conventus sigillum nostrum ad rei memoriam et ad robur indubitabile ac perpetuum omnium premissorum. Actum et datum in monasterio Maggenowê^y), anno domini M°.CC°.LXXX°III°. VI°. idus^z) maii, indic(tione)^aa) XI^a.

Source Fulltext: Chartularium Sangallense IV, Nr. 2106, S. 260-262.