Allen dien^a) disin brief lesint aldir horint lesin, dien si kunt getan, dc vro Maht. des ammans saligin wirtinne von Abbacella¹ het ze ko^vffinne gen dem spital ze sant Gallin² ir || wingartin ze Hasila³ vnde^b) die Ivte, die dar zv^o horint, vmbe zweinzg march silbirst^a), vnde het si den wingartin vf gen vnde die lvte, die dar zv^o horint, vnde ir brv^odir C. vnde Her., dien er gemachot waz, || in minis herrin hant des abz von sant Gallin⁴, vnde het min herre gelvhin den vor ginandin wingartin vnde die lvte, die dar zv^o horint, Heinrich dem Blarrer ze rehtim lehin, vnde div vor genant || vro Maht. sol iarlich vunf phvnt wider gen den^a) spital, vnz dc si zweinzig march dem spital widir git, vnde swenne div vor genant vro Maht. dem spital nvt git vunf phvnt, so sol er sich han vffin dc gv^ot ze Wille⁵ vnde vffin dc gv^ot ze Watte⁵, vnde mag er da nvt gewert werdin, so sol er sich han vf den wingartin, vnz^c) dc er gewert werde zweinzig march silbirst^a), vnde sol der spital den wingartin vnde die livte, die dar zv^o horint, besizzin mit allim rehte ein iar vnde sehz wucha vnde drie tage, vnde dar nah so sol der spital der vor genandvn vro Mahthilt den wingartin vnde die lvte, die dar zv^o horint, lihin zeim rehten lipgeginge^a), vnde sol si dem spital iarlich gen zeiner gehvgde einin so^vm wines vssir dem selbin wingartin, vnde ist, dc vro Maht. gelebet, dc si dem spital zweinzig march widir git, so sol der spital nah ir tode Engiltrvt ir tohtir vnde Annvn ir thohtir thohtir zehin phvnt gen, vnde stirpth der vor genandon kint eiz, so ist der spital vunf phvnt ledig, sterbinz beidiv, so ist der spital ledig zehin phvndir, vnde sol o^vch der spital vro Maht. vmbe ir lipgeginge^a) gewisheit gen, als hern V^ol. Lestin spitals halb vnde Cv^onr. den Magir alden Boler der vro^vwin halb vnde brv^odir Cv^onr. den Bredier von Costinze ald brv^odir Fridriehin⁶ einin gemeinin man zimlich vnde gefv^og dvncht, an den selbin schitlvten vnde an dem selbin gemeinim man sol o^vch stan, wc div vor genande vro Maht. vnde ir brv^odir C. vnde Her. tv^on son ze rithtunge dem spital vmbe alliv div ding, div er mit inen geschaffot het. Dc dierre brief state vnde geware belibe, so hench ich bropst Bertold⁷ min ingesigil an disin brief dvr beidir tail bette. Diz beschach in dem iare, do nach gottiz geburt warin tvsint vnde ewei hvndirt iare vnde ahzig iar, dar nah in dem vierdin iare.

Source Fulltext: Chartularium Sangallense IV, Nr. 2133, S. 282-283.