Wilhelmus dei gratia abbas¹ sancti Galli, Heinricus portenarius prepositus per Brisgaudiam² totumque capitulum monasterii sancti Galli omnibus presentium inspectoribus salutem et noticiam || subscriptorum. Noverint universi, quod facta venditione possessionum in Egringen³ hospitali pauperum in Basilea a quondam Elizabeth relicta quondam Wilh(elm)i militis de || Lene⁴ et Agnesa filia sua cum auctoritate, consilio et consensu dilectarum in Christo . . abbatisse et conventus sancte Clare in Friburg⁵, ubi res et personas deo dedicaverunt^a), quas || possessiones eedem Elizabeth et Agnesa a nobis et monasterio nostro iure hereditario et sub annuo censu videlicet quatuor lib. et quinque solid, monete Brisgaud(iensis) singulis annis in festo beati Galli persolvend(orum) habuerunt, nos attendentes, quod dicte possessiones monasterio nostro vacare deberent, tum propter hoc, quod dicte possessiones nobis non fuerunt^b) exhibite secundum morem debitum, tum ex eo, quod dicta relicta decessit et filia sua monasterium est ingressa, dicte venditioni consensum noluimus adhibere. Tandem ad petitionem venerabilis patris et domini R. dei gratia Const(antiensis) episcopi⁶ hoc remisimus et recepta resignatione predictarum possessionum ipsas Burch(ard)o scolastico sancti Petri Basiliensis⁷ nomine dicti hospitalis sub iure et censu prenotatis adiectis condicionibus infrascriptis concessimus et concedimus per presentes. Est autem hoc condictum, ut prefato Burch(ard)o cedente vel decedente a predicto hospitali alia certa persona vel eadem debet presentari, que nomine ipsius hospitalis a nobis . . preposito vel alio successore nostro pro tempore constituto ipsas possessiones recipiat sub iure et censu prelibatis, et sic est in posterum observandum. Debet etiam dictus Burch. vel eius successor quicumque pro tempore a predicto hospitali ad reeipiendas predietas possessiones, ut predictum est, constitutus singulis annis prefatum censum nobis . . preposito vel successori nostro cuicumque aut certo nostro nuncio persolvere termino supradicto. Ordinatum est insuper, quod eadem persona, que pro tempore fuerit ab ipso hospitali ad reeipiendas possessiones constituta, quandocumque ipsas possessiones a nobis . . preposito vel successore nostro recipit, nomine honorarii tantum solvere debet, quantum est de censu, pro mortuario vero similiter, quantum est de censu, ipsum hospitale solvere debet ipsa persona pro tempore constituta cedente vel decedente. Statutum est etiam, quod si dicta persona ab hospitali, ut predictum est, constituta ipsas possessiones infra annum et diem a preposito, qui pro tempore fuerit, vel ab eo ad hoc deputato non receperit vel si infra annum et diem in solutione canonis defecerit, extunc ipse possessiones nobis et monasterio nostro vacare debent ipso iure. Adiectum est insuper, quod predicte possessiones non debent aliquo modo alienari preter nostrum consensum requisitum et obtentum. Si vero prefatum hospitale vendere voluerit possessiones memoratas in parte vel in toto, primo nobis et monasterio nostro debent exhiberi, et tunc, si requisiti abbas vel prepositus, qui pro tempore fuerint, emere pro iusto precio noluerint, vendendi habeant liberam facultatem, iure monasterii nostri salvo et in omnibus observato. Sic ergo supradicte possessiones sepefato hospitali pleno iure debent subiacere, ita ut de bonis supradictis, prout eidem videbitur expedire, valeat ordinare, salvo in omnibus iure nostri monasterii et hominum nostro monasterio pertinentium, prout hactenus in dictis possessionibus est rationabiliter observatum, ita videlicet, quod, postquam homines monasterii nostri census hospitali debitos persolverint, ulterius ab ipso hospitali in nullo inquietentur contra ius et consuetudinem hactenus rationabiliter observatam. In cuius rei testimonium sigillis nostris . . abbatis, . . prepositi et capituli supradictorum presens est littera communita. Dat. apud sanctum Gallum, anno domini M°.CC°.LXXXIIII°. XI°. kal. febr. indiccione XII^a. Nos. Bur. scolasticus sancti Petri Basiliensis antedictus et familia hospitalis supradicti concessionem sub forma et condicionibus supranotatis faetam confitemur et ad omnia suprascripta et singula observanda nos et ipsum hospitale presentibus obligamus. Et ad maiorem huius rei firmitatem sigilla . . officialis curie Basiliensis, universitatis eiusdem loci, mei Burch(ard)i scolastici et hospitalis prelibati presentibus sunt appensa. Nos . . officialis et universitas antedicta rogatu supradictorum Bur. et familie hospitalis eiusdem sigilla nostra duximus appendenda. Dat. Basilee, anno domini M°.CC°.LXXXIIIIt°. pridie kal. febr. indiccione supradieta.

Source Fulltext: Chartularium Sangallense IV, Nr. 2117, S. 268-269.