Willehelmus dei gratia abbas¹ sancti Galli et capitulum eiusdem monasterii ordinis sancti Benedicti Constan(tiensis) || dyocesis omnibus presentium inspectoribus noticiam subscriptorum. Noverint, quos nosce fuerit oportunum, quod Rv^edegerus || de Werdegga² miles fidelis monasterii nostri predium suum situm in Ringgewiler³ cum omnibus pertinentiis suis videlicet || pascuis, nemoribus, silvis, cultis et incultis vendidit, tradidit atque donavit reverendis in Christo . . abbati et conventui in Rvthi⁴ ordinis Premonstratensis eiusdem dyocesis libere et pacifice perpetuo possidendum, renuntians pro se ac omnibus heredibus suis omni actioni seu repetitioni necnon auxilio vel consilio iuris canonici vel civilis, ex quibus predictis . . abbati et conventui in Rvti circa^a) predictam venditionem, donationem atque resignationem aliquod gravamen vel preiuditium possit generari. Igitur cum possessiones et predia fidelium nostrorum nequaquam valeant, debeant^b) vel possint alienari vel distrahi absque consensu et bona voluntate nostra, scire cupimus universitatem vestram, quod nos ad instantiam et petitionem predicti Rv^edegeri fidelis nostri dictam venditionem atque donationem circa predictum monasterium, ut premissum est, factam gratam et ratam habere volumus et habemus, ita dumtaxat, ut sepedicti . . abbas et conventus in Rvti et eorum successores singulis annis in festo sancti Galli dimidiam libram cere ponderis Turicensis⁵ per certum nuncium ipsorum apud sanctum Gallum nobis sine contradictione qualibet persolvant. Et ne super premissis aliqua dubitatio valeat exoriri, presentes literas prefatis . . abbati et coventui^c) in Rvti sigillis nostris tradimus communitas. Acta sunt hec apud sanctum Gallum, anno domini M°.CC°.LXXX°V°. indictione XIIIa.

Source Fulltext: Chartularium Sangallense IV, Nr. 2147, S. 293.