Universis Christi fidelibus Sifridus Coloniensis, Arnoldus Babenburgensis, Cůnradus Argentinensis, frater Cůnradus Thulensis, Reinboldus Erstetensis^a), H. Merspurgensis¹, Emcho Frisingensis, Gerhardus Brandenburgensis², Be. Herbipolensis, Bruno Brixinensis, Fridricus Curi(ensi)s^b), Syfridus Augustensis ecclesiarum episcopi salutem in domino sempiternam. Et sy ex meritis pervenitur ad premia, ut tamen Christi fideles per premia ad merita perducamus, ipsos ad conplacendum ei, qui premia largitur eterna, indulgenciis et remissionibus invitare satagimus, ut exinde reddantur divine gratie aptiores. Cupientes itaque ecclesiam sancti Magni³ confessoris extra muros opidi sancti Galli dignis preconiorum laudibus frequentare^c), omnibus vere penitentibus et confessis, qui ad eandem ecclesiam anniversariam^d) dedicationis, in festivitatibus patronorum beati Magni, in exultacione sancte crucis et beate Wiborade virginis et martiris necnon in dedicacione eiusdem altaris et per octavas eorundem annuatim propiciacionis graciam petituri cum devocione accesserint, quique ad fabricam eiusdem ecclesie suas largiti fuerint elemosinas et alia eidem inpenderint opera pietatis, de omnipotentis dei misericordia et beatorum appostolorum Petri et Pauli auctoritate confisi unusquisque nostrum XL^a dies de iniuncta sibi penitencia, sy dyocesani consensus accesserit, misericorditer in domino relaxamus. Dat. in concilio Herbipolim^e), anno domini M°CC°LXXX° 7^mo, XII kl. appril., indictione XV^a.

Source Fulltext: Chartularium Sangallense IV, Nr. 2174, S. 313.