Omnibus presentem litteram inspecturis Růdolfus de Rinegge¹ miles subscriptorum noticiam cum salute. Ut contractus bone fidei consensu mutuo celebrati sub stabilitate incommuta||bili perseverent, scripturarum indiciis tenaci et incommutabili debent memorie commendari. Noverint igitur universi tam posteri quam presentes, quod ego pro extenuacione debitorum meorum, || quibus sum involutus, possessiones meas infrascriptas videlicet schůpůzzam dictam des Webers hůbe sitam in villa Tegerwille² prope ripam ibidem vendicionis decrevi titulo exponendas. Et cum || inter alios emptores honorabilis dominus Růdolfus decanus ecclesie Constantiensis³ vice et nomine altaris sancti Nycolai sito^a) prope ambitum ecclesie Constantiensis predicte michi pro eadem schůpůzza maius et utilius precium obtulisset, eo quod ipse dominus decanus eandem schůpůzzam predicto altari sancti Nycolai intendidit^a) empcionis titulo conparare, receptis ab eodem domino decano sex marcis argenti puri et legalis ponderis Constantiensis possessiones easdem videlicet schůpůzzam predictam cum suis iuribus et pertinenciis universis cum consensu et auctoritate venerabilis patris et domini Růdolfi dei gracia episcopi ecclesie Constantiensis⁴, a quo eandem schůpůzzam cum suis pertinenciis et iuribus universis titulo feodi tenui et possedi, antedicto domino decano nomine et vice altaris sancti Nycolai predicti vendidi rite et legittime pro eisdem, ipsamque schůpůzzam cum omnibus suis iuribus et pertinenciis universis in eundem dominum decanum nomine altaris predicti et in ipsum altare sancti Nycolai per manus domini mei R. dei gracia episcopi predicti iusto vendicionis titulo per verborum legittimam stipulacionem transtuli et transfero presencium per tenorem, adhibitis per me in dicta vendicione sive translacione verborum ac gestuum sollempnitatibus debitis et conswetis, dictam scůpůzzam cum suis pertinenciis a predicto domino decano nomine memorati altaris et ab ipso altare habendam tenendam et perpetuo pacifice et quiete sine cuiusvis contradictionis obice libere possidendam, peccuniam autem supradictam me a predicto domino decano nomine dicti altaris recepisse et in utilitatem meam fore versam confiteor per presentes, renuncians pro me meisque heredibus, cuiuscumque sexus fuerint aut condicionis, presentibus et futuris circa premissa et quodlibet eorundem beneficio restitucionis in integrum, litteris a sede apostolica vel aliunde impetratis aut eciam impetrandis, ex cepcioni doli, defensioni non adhibite sollempnitatis, conswetudini generali yel particulari, auxilio iuris canonici vel civilis et generaliter omni suffragio, quo mediante ea, que premissa sunt, possent cassari impediri irritari aut quocumque tempore violari. Et in evidenciam omnium premissorum ipsorumque perpetuam et indubitabilem firmitatem presens instrumentum predicto domino decano nomine et vice altaris predicti et ipsi altari tradidi sigillorum venerabilis patris et domini R. dei gracia episcopi predicti et mei robore communitum. Nos Růd. dei gracia episcopus predictus hiis, que premissa sunt, factis et racionabiliter consummatis per Růd. de Rinegge militem antedictum consensum nostrum et auctoritatem scriptis presentibus impertimur et ea, que predicta sunt, ratificamus et tenore presencium approbamus et ad maiorem securitatem predicto altari faciendam recepta resignacione^b) antedictarum possessionum ab ipso milite easdem possessiones et ipsarum proprietatem supradicto decano ecclesie nostre nomine prefati altaris et ipsi altari sancti Nycolai ad ipsius militis peticionem per manus nostras tradimus sollempniter et donamus habendas et perpetuo possidendas. Et in evidenciam premissorum ipsorumque perpetuam firmitatem presens instrumentum unâ cum appensione sigilli prefati militis sigilli nostri robore fecimus communiri. Datum Constantie, anno domini M°.CC°.LXXX°VIII°. IIII°. kal. octobr.

Source Fulltext: Chartularium Sangallense IV, Nr. 2201, S. 328-329.