Allen, die disen brief an sehent oder horent lesen, kunden wir Nicolaus vnd^a) Cůnrat von Wagen¹, daz || wir dur vnser notdurft willeglich vnd vmbetwunglich eine halbe hůbe ze Wagen vnd den halben zehenden || ze Lutisbach² vmbe zwelf march silbers Růdolfen von Wagen³ vnserm^b) stuffatter verko^vfet vnd geben haben ze || besizzenne vnd ze niezenne ime vnd sinen erben mit allem dem rehte, als wir ez hatten. Wir uergehen o^vch an disem selben brieue, daz wir der vorgeschribenen zwelf marchan von ime voileglichen gewert sigen. Wir verzihen vns o^vch alles des rehtes, so wir an dem vorgenanden gůte hatten, vnd dar zů aller der ansprache, so wir vmbe daz selbe gůt gegen ime alder sinen erben an gerihte geislichem alder weltlichem alder ane gerihte iemer kundin alder mo^ehtin gewinnen. Har vber ze einem vrkunde geben wir disen brief besigelt mit dem ingesigele des rates von Raprehtswil⁴, die dur vnser bette disen brief besigeln hiezent vnd uerhangten. Dis geschach in der vorgenandun stat ze Raprehtswil in dem jare, do man von gottes geburte zalte zwelfhundert vnd ahzeg vnd nun jar. Da waren ze gegen Wernher vnd V^olrich von Rambach, Walther der Bizzener, Růdolf von Hasela⁵, Walther der Kuffersmit, Růdolf an dem Graben, der Leimer, Berhtolt von Bůslikon⁶, Cůnrat der Murer vnd sin brůder.||
Wir der rate von Raprehtswile vergehent, daz wir dur die bette der vorgenanden Nicolauses vnd Cůnrates von Wagen disen brief mit vnserm ingesigele ze einre stetgunge vnd ze einem vrkunde des vorgeschribenen ko^vfes besigelen hiezent vnd verhangtent.

Source Fulltext: Chartularium Sangallense IV, Nr. 2225, S. 346.