In dem namen vnnsers heren amen. Allen den, die disen gegenwurtigen brieff lesent oder ho^erendt lesen, kunde ich herr Cůnrat von Munchwylle¹ der ritter, dz ich vnd alle mine kind V^olrich vnd Johannes mine sune vnd vro Gůtte vnd vro Adelhaid mine tochtran gegeben han der a^eptissinen vnd dem conuent ze Maggenow², dz gůtt dz mir ward gegeben ze Aschlicon³ zu miner ersten wirtinen, dz selbe gůtt ward dem closter ze Maggenow von vnns gerichtet mit hern Lutoltz hannd von Ba^ebingen⁴, des recht aigen es was, der gab es fur ain ledig aigen mit allem rechte in holtze an velde vss vnd inne der a^eptissinen vnd dem conuent ze Maggenowe. Wa^ere aber, das dz closter von mir alder von minen kinden, die da vorgenempt sind, alder von vnnsern erben in dehainen schaden alder anspra^vche komme, da sond wir dz closter versta^vn vnd sond es vnschadhafft machen. Ich kunde ouch, dz Adelhaid min tochter ir pfrůnnd haut vffgegeben dem closter ze Maggenowe. Das diß ain wa^vrhait sye, dz da uorgeschriben ist, des sind gezuge herr Cůnrat der lutpriester von Bichiltzse⁵ vnd her Růdolff der schult(heis)s von Wyl⁶ vnd herr Eberhart von Lo^vmisse⁷ vnd her Hainrich von Huntzicon⁸ vnd dirre brieff besigelter mit minem insigel ze ainem statten vrkund. Dirre brieff ward gegeben ze Wyl nach der gepurt Cristi M°CC°LXXXIX ja^vre an dem tag sancti Stephani pape.

Source Fulltext: Chartularium Sangallense IV, Nr. 2220, S. 343-344.