In dem namen vnsers herrin amen. Allen den, die disin geginwrtigen brief lesint alder horint lesin, || den kvnde ich swester . . dv priorin von To^esse¹ vnde^a) alle der convent, dc wir vnde dv || aebtissinne vnde der convent von Maggeno^vwe² vns gerihtet han mit rehten teidingen vnde mit || vnser beider schaden mit Bertolte dem schenchen von Liebinberc³ vmbe die ansprache, die er hate ze dem gv^ote ze Waenzincon⁴, also dc er noch enhein sin erbe niemer me en hein an sprache ze dem selben gv^ote gewinnen sol. Wir svn o^vch die aebtissinne vnde den convent von Maggeno^vwe iemer vngemo^et lazin vmbe die arbeit vnde vmbe den schaden, den wir von dem selbin kriege gehebet han alder iemer hinnan hin gewinnen. Dc wir alsvs vber ein komen sin, des sint gezvge herre Volmar der tegan von Wintertvre⁵ vnde herre Heinrich der meiger von Wellenberc⁶ vnde herre Cv^onrat von Slate⁷ vnde Rv^odolf von Wellenberc vnde herre Stephan Hoppler vnde Heinrich von Altelincon⁸ vnde ander biderbe lvte. Dc wir staete behaltin, dc da vor gescriben ist, dar vber han wir disen geginwrtigen brief besigelt mit vnsers closters insigel zeinem staeten vrkvnde. Dirre brief wart gegebin an dem tvsindostin vnde zwei hvndertosten vnde nvn vnde ahzegosten iare nach der gebvrt vnsers herrin, an sante Pantaleons tage.

Source Fulltext: Chartularium Sangallense IV, Nr. 2218, S. 342-343.