Wir Cv^onrat von gotes genadun abte des gozhuses ze sante Gallen¹ tuien kunt allen, die || dise brieue ansehent oder ho^erent lesen, das fro Gerdrut von Brûnberc² vor vns mit rehter vnd || gemainer vrtâilde behebit hât das^a) Saeligen hof³ vnd die akker, die dar in horten, die || sumelich burgaer von Wile⁴ von ir wirte Saelige³ ze lehen hetin, das die ir rehtes lipgedinge sî, vnd das das nit enschado^v den burgaeren von Wile an ir lehen vnd an den akkern, wan das si in ir lehens gewêr sun beliben. Dar ubir ze ainem vrkunde gebin wir disen brief mit vnserm insigel. Das geschach ze Bortenaer pu^el⁵, vnd dirre brief wart gebin, do man zalt von vnsers herrin geburte tusent jar, zwaihundert jar^b), an dem zinstag vor sant Vrbanes tage.

Source Fulltext: Chartularium Sangallense IV, Nr. 2272, S. 380.