Omnibus Christi fidelibus presentes litteras inspecturis Rv^odol. de Gvttingen¹ nobilis et miles || subscrptorum^a) noticiam cum salute. Noverint universi tam posteri quam presentes, quod ego curiam dictam || vor Tor sitam in Hemenhofen² cum omnibus suis pertinentiis, quam Berhtoldus de Hemenhofen ibidem a me tenuit in feodum || et possedit quamque ego ab honorando in Christo . . dei gratia abbate monasterii sancti Galli et ab ipso monasterio in feodum habui, ad petitionem dilectarum in Christo . . abbatisse et conventus monasterii in Felbach³ recepta resignatione eiusdem^b) curie cum suis pertinentiis a Ber. prefato eisdem . . abbatisse et conventui ipsarumque monasterio libere resignavi ipsamque curiam cum omnibus suis pertinentiis in eas et ipsarum monasterium donationis titulo transtuli habendam et possidendam perpetuo pacifice et quiete sine^c) cuiusvis obice contradictionis adhibitis per me in omnibus et singulis supradictis verborum ac gestuum sollempnitatibus debitis et consuetis. Et in evidenciam premissorum ipsorumque perpetuam et incommutabilem firmitatem presens instrumentum conscribi feci et sigilli mei robore communivi et communire procura vi. Actum Const(antie)in curia monachorum de Salêm⁴, presentibus personis ydoneis et honestis, qui^d) testimonium perhibent huius facti, scilicet magistro Cv^onr. clerico dicto Herrn Azzvn, Eberhard. de Stecboran⁵ monacho in Salêm, fratre^e) V^olr. dicto Kragel, Cv^onr. dicto Dottnacher⁶ cive Const(antiensi), Hainr. de Môse, Berhtold. de Hemenhofen, Ber. dicto Verre de Hemenhofen, Eberhard. dicto Zân de Hemenhofen, Cv^onr. dicto bi Zvben de Hemenhofen, anno domini M°.CC°.XC°. scd. non. febr.

Source Fulltext: Chartularium Sangallense IV, Nr. 2229, S. 349.