Alle die disen brief ansehent vnd^a) ho^erent lesen, den kvnd ich Elizabeht von Raprehtzwiller vnd grauinne von Honberc¹, dc mine vogtlute von Bechu² || vnd von Wolro^v3 mit dem dorfe ze Rihtliswiller⁴ ze kriege kament vmb ain gemainmerke, dc ob den do^erfern lit. Dez wrden wir vertegdinget vnd verrihtet || also, daz min herre . . der abt von den Ainsidillon⁵ vnd ich vnd alle die dar zů hortont, vnd anderhalp der comendur von Bůbenkon⁶ vnd die dorflute von || Rihtliswiller schaitlute dar uber namen vnd ez an die sazton. Dc wc unserhalp her V^oI. von Rusegge⁷ vnd C. der Truhsetze von den Ainsidillon⁸, anderhalp her V^ol. von Schonenwert⁹ vnd H. der maier von Horgun¹⁰. Die ervůrent sich dez mit geswornen aiden, dc ain rihtunge wc beschehen ainhalp entswschent dem gottishuse von den Ainsidillon vnd minem vater grauen Rv^odolf seligem von Raprehtzwiller¹¹ vnd den vorgenanden vogtluten vnd anderhalp minem neuen¹² hern Rv^odalf von Wediswiller¹³ vnd sinen dorfluten von Rihtliswiller. Die kament dez ainhelleclichen vberain, dc si den selben schait bestatent, wan siv die markstaine kuntliche vundent vnd dar zů saztont, der siu bedorftont. Vnd saztont dc entswschent den luten also, dc dc selbe gemainmerke stete beliben sol vnd ez die lute iemer mit ain ander ainmo^etecliche niessen sun. Vnd dc diz allez stete vnd vnzerbrochen e^vweclich belibe von allermengelichem, so gibe ich ze ainem waren urkvnde den brůdern von Bůbenkon vnd dem huse min insigel an disen gagenwrtigen brief. Diz sahent dise gezuge: her . . der abt von den Ainsidillon, her Ro^ediger Manesse, her Rv^od. ab dem Turne, her Hainr. sin brůder¹⁴, her Richwin von Wolro^v rittere, V^olrich von Wolro^v, Rv^od. der alt schulthaiz von Raprehtzwiller¹⁵, Jacop von Rambach der schulthaiz¹⁶, Peter sin brůder¹⁷, Hainr. der Marschalk¹⁸ vnd ander bederbe lute geno^ege. Diz geschach in dem jare, do von gottes geburte wc zwelfhundert jar vnd nunzik jar, do indictio wc III.

Source Fulltext: Chartularium Sangallense IV, Nr. 2248, S. 363-364.