In dem namen vnsers herren amen. Allen den, die disin gegenwrtigen brief lesint alder ho^erint lesin, den kvnde ich swester Elizabet dv || aebtissinne¹ vnde alle der convent von Maggeno^vwe, dc vns min vrowe vro Gerdrvt dv alte Gielin² hat gegebin dvr got vnde dvr ir || wirtes vnde ir kinde sele willen ein gv^ot ze Bv^obintal³, dc zwelf stvche giltet, dc wart svnderbare vnz genomen vnde an dem wehsel abe || gesclagen, do wir vmbe dc gv^ot ze Bv^obental aber al wehsels mit ir vber ein kamen. Mit den zwelf stv^echen svn wir allv iar began vier iar gezit, dc ist ir wirtes vnde hern Rv^odolfes ir svnes vnde Heinriches⁴ ir svnes vnde o^vch ir selber iar gezit nach ir tode, vnde ze ieclichem iar gezite der vierer, dv da vor genemmet sint, svn wir dem convente win des selben tages geben von den drin stvche, dv dar zv^o gesezzet sint, vnde swc wir denne vber den win erzvgon mvgen, da mitte svn wir den andern dienest verrihten. Ze dirre gesezzede binden wir vns dv aebtissinne vnde dv kelnerin, die iezo ze Maggeno^vwe sint alder iemer nach vns werdent, vnde swenne wir alder vnser nach komen niht verrihten dv iargezit, alse da vor gescriben ist, de sol dv priorin des conventes clagen in visitatione visitatori⁵, vnde swc da versvmet ist, dc svn wir im^a) geben, dc er ez gebe sinem convente ze pitancie. Dc wir staete behalten, dc da vor gescriben ist, darvber han wir disin gegenwrtigen brief gesigilt mit dem insigil vnsers herrin des abtes von Wettingin⁵ vnde mit vnsers closters insigil zeinem staeten vrkvnde. Dir brief wart gegebin ze Maggeno^vwe, anno domini M°CC° LXXXX, nonas augusti^b).

Source Fulltext: Chartularium Sangallense IV, Nr. 2245, S. 361.