Cv^onradvs dei gratia abbas monasterii sancti Galli¹ omnibus presentium inspectoribus orationes sempiternas in domino cum noticia subscriptorum. In rebus gestis oblivionis aufertur || occasio, cum ipse litterarum intersigno posteriorum memorie declarantur. Noverint igitur universi, quos nosse fuerit oportunum, quod cum discretus vir Hainricus de Stekeborn² dictus Anhorne saluti || sue anime prospicere intenderet, decimam suam sitam in superiori Stamheim³, in Basendingen⁴ et in Gvnteringen⁵ et scopozam sitam in superiori Stamheim, que a nostro monasterio sub annuo || censu scilicet dimidia libra cere annis singulis ad altare sancti Galli in purificatione beate Marie virginis persolvendo longe tenuit et possedit cum omni iure et utilitate, que sibi in dicta decima et scopoza predicta competebant seu competere videbantur, dedit et tradidit pure libere et irrevocabiliter devotis in domino abbatisse et conventui monasterii in Velpach⁶ nomine sui monasterii recipientibus imperpetuum possidendas. Et cum alienatio feodi citra consensum domini facta roboris careat firmitate, nobis prefatus Hainricus unâ cum religiosis abbatissa et conventu monasterii memorati humiliter supplicavit, ut predicte traditioni seu donationi facte nostrum pium dignaremur inpartiri assensum, dictas abbatissam et conventum nomine sui monasterii a prefato Hainrico libera resignatione facta de dictis scopoza et decima infeodantes seu etiam investientes salvo nobis seu nostro monasterio censu superius prenotato. Nos vero attendentes, quod summa est ratio, que pro religione facit, dicte traditioni seu donationi favorabiliter nostrum impertientes assensum recepta resignatione libera a prefato Hainrico de possessionibus memoratis prememoratam . . abbatissam et conventum nomine sui monasterii investivimus seu infeodavimus adiectis conditionibus infra scriptis, scilicet ut prememorata . . abbatissa et conventus nomine sui monasterii ad altare sancti Galli dimidiam libram cere in termino suprascripto annis singulis persolvere non omittant. Et cum a predecessoribus nostris de unanimi consensu nostri conventus sepedicto monasterio in Velpach receptis decem marcis puri et legalis argenti ponderis Constantiensis versis in utilitatem nostri monasterii concessum fuerit et indultum⁷, ut sex marcarum redditus communi habita estimatione quocumque titulo conquirendi in possessionibus nostro monasterio pertinentibus haberent liberam facultatem, redditus seu proventus tam dicte scopoze quam decime in summam predictorum reddituum scilicet sex marcarum debeant computari et de ipsa defalcari, ut pro quantitate reddituum predictarum scopoze et decime ab obligatione predicta nostrum monasterium liberetur. Et ut hec omnia et singula rata et firma permaneant nee alieuius possint calumpnia infirmari perpetuumque robur recipiant omnia et singula supradieta, presens instrumentum fieri fecimus sigilli nostri robore comunitum. Acta sunt hec in civitate nostra sancti Galli presentibus Ber. canonico Argentinensi de Gvndolvingen⁸, Cv^onr. notarius^a) domini abbatis sancti Galli, V^oI. dicto Rizzener, Will. de Tetingen⁹, Hainrico^b) et Bertoldo de Grifenstein¹⁰, Wernhero de Egelingen¹¹ et Colvmbano de sancto Gallo ac aliis omnibus fide dignis. Anno domini M°.CC°.LXXXX°. sexto idus novenbris, indictione IIII^a. In domino feliciter amen.

Source Fulltext: Chartularium Sangallense IV, Nr. 2251, S. 365-366.