Allen, die disen brief sehent ald ho^erent lesen, chvnden wir Elisabet grevin von Hom|berg vnd^a) fro||we ze Rapreswile¹ einhalp vnd anderthalp der rat vnd die burger gmeinlich^b) von Zvrich, | das wir vber||ein sin chomen vnd hein es o^vch gesworn zen heilgon offenlichen, ein andren ze ratinne^c) vnd ze | helfinne mit lib^d) || vnd mit gv^ote^e), mit vnsren lvten^f) vnd mit vnsren vestinon gegen alr menlichem gegen rechte hinnan ze wiennacht vnd dannan vber drv^g) jar mit allen dingen. O^vch hein wir die burger von Rapreswile mit vnser frowen willen von Homberg der grevin gesworn offinlich^h) denⁱ⁾ burgern von Zurich vnd sie vns, ze ratenne vnd ze helfinne, so verre vns beidenthalp lib vnd gv^ot gelangen mag, gegen alr menlichem gegen rechte dis^k) jarzal vs, als da vor geschriben stat. O^vch sin wir beidinthalp^l) ein andren gebvnden^m) vf vnsern eit, von disim vrlvgeⁿ⁾, da wir ieze inne sin gegen den herzogon von O^esterrich^o)2 vnd allen ir helfern, niemer ze scheidenne^p) wan^q) mit einr ander rate^r) vnd willen. Were o^vch, das ein Ro^emschir^s) chvnk cheme, der^t) gewaltig^u) wurde^v) ze Basil³, ze Chostinz⁴ vnd Zürich^w) in dirre jarzal, so sol doch disv glvbde stete sin wand alleine gegen dem chvnge. Vnd dar vmbe das dis stête^x) vnd veste blibe^y) dis jarzal vs, als da vor geschriben stat, so hein wir zwen gliche^z) brieve gemacht vnd besigilt mit vnserm ingesigil fron Elsbetun^aa) der grevin^ab) von Homberg vnd frowen ze Rapreswile, mit der burger ingesigil von Zurich^w) vnd mit der burger ingesigil von Rapreswile zeim rechten vrchvnde offenlichen^ac). Dis beschach Zvrich^ad) an der mitchvn vor sant Andres tult in dem jare, do von gottes geburt waren zwelfhvndert^ae) vnd eis vnd nvnzig jar, do indictio was V^a.

Source Fulltext: Chartularium Sangallense IV, Nr. 2285, S. 394-395.