R. dei gracia Constanciensis episcopus¹ dilectis in Christo universis, ad quos presentes || pervenerint, salutem et noticiam subscriptorum. Quia nobilis vir Chůnr. dominus || de Bussenang² miles ad proficiendum nobis et ecclesie nostre per se et suos ad om||nes nostras et ecclesie nostre necessitates fideli suo servicio, consilio, auxilio et favore assistere promisit contra quoslibet per fidem datam nomine iuramenti, nos in recompensam huiusmodi fidei et obsequiorum suorum sexaginta marcas argenti ponderis Constanciensis, ut serviciis nostris et ecclesie nostre intendat et plenius intendere valeat, sibi dare promisimus et promittimus per presentes. Et pro eodem argento, quia ad manus numeratam pecuniam non habemus, ei possessiones nostras videlicet in Tufenbach³, Vaielon⁴ et molendinum in Vaielon, Stachenlehen⁵, Huseleregge⁶, Mitelberg⁷, vf dem Berge⁸ et in Attenruti⁹ scoposas cum ipsarum redditibus titulo pignoris obligavimus et tenore presentium obligamus, salvo nobis, quod idem miles ad exactionem sture petende ab hominibus dictarum possessionum vel aliis nostris hominibus aut ad exactiones aliquas non procedat, salvis etiam nobis mortuariis, que velle vulgariter nuncupantur. In redemptione autem dictarum possessionum nobis et ecclesie nostre reservamus ita videlicet, ut cum decem ei marcas solverimus vel quocienscumque ei decem marcas solverimus vel dederimus pro solucione qualibet decem marcarum, ex iisdem possessionibus ad nos unius marce argenti redditus libere revertantur. In cuius rei testimonium presens scriptum eidem militi nostro sigillo fecimus sigillari. Dat. Constancie anno domini M°.CC°.LXXXXII. IIII°. kl. maii.

Source Fulltext: Chartularium Sangallense IV, Nr. 2292, S. 397.