In gottis namin amen. Wir abt Bertold von gottis milti in dem klostir || zi san Johanne in Turtal¹ tv^ogen kunt allen, die disin geginwurtigin || brief lezint ald îemir horint gelesin, daz wir aein wehsil^a) haben gimachot II undir uns vnd Johans von Luttirberg², daz wir im haben gegebin aeinin kneht, der haezit Henr. Mecke, umb ain andirn kneht, der haeizit Bertold der Esman der eltir. Vnd daz diz stete bilibe, so gig^b) ich Johans^c) disin geginwurtigin brief bisigiltin mit minim g(e)werin^d) insigil. Dar umbe sien wir abt Bertold gezûg vnd her Arnold der luppriestir, her Alber von Nezilo^vwe³, her Cv^onr. von^e) Vischinun⁴, her Alber von Hedwank^f)5, V^olr. von sant Johanne, Arnold^g) der Koch vndir^h) erberⁱ⁾ lute ginv^oge. Diz geschach in dem klostir zi sant Johanne in dem selbin jâre, do von gottis geburte warint tusint vnd zaei^k) hundirt vnd dru vnd nuzn jâr, an sant Gedrud^k) tage.

Source Fulltext: Chartularium Sangallense IV, Nr. 2311, S. 409.