In nomine domini amen. Universis Christi fidelibus nos Fridericus miles et Swiggerus fratres dicti Tumben de Nuwenburg¹ noticiam || subscriptorum. Ut ea, que in hominum presentia geruntur, firma in suo robore perseverent, expedit ipsa non solum litterarum sed et^a) testium munimine || suffulciri. Noverint igitur universi presentium inspectores, quod nos ius proprietatis agrorum in Raine² dictorum ze dem Kriesbôme cum attinentiis || et pertinentiis eis universis, quos a proavorum nostrorum temporibus titulo proprietatis tenuimus et possedimus, reverendis in Christo . . abbati et conventui domus in Salem³ receptis ab eis septem libris denariorum Constantiensium, quos in evidentem nostram utilitatem convertimus, vendidimus ac in eos et per eos in monasterium Salem liberaliter transtulimus perpetuo possidendum, renuntiantes pro nobis nostrisque heredibus utriusque sexus omni actioni, exceptioni, defensioni et simpliciter omni iuri et iuris auxilio tam canonici quam civilis, quod in ipsis agris nobis competiit vel competere videbatur. Et super eo presentem litteram in testimonium eis dedimus sigillorum nostrorum munimine roboratam. Huius rei testes sunt Cv^onradus Gallus, Cv^onradus Lo^elle, Hainricus Bezzeller, Cv^onradus Ko^elbeli, Hainricus A^etti, Hainricus filius eiusdem, Hermannus Segenser, Hermannus, Hainricus et Andreas fratres in Valle, Cv^onradus et Hainricus dicti Gebuttel. Datum et actum anno domini M°.CC°.XC°III°. II. non. maii.

Source Fulltext: Chartularium Sangallense IV, Nr. 2313, S. 410.