In nomine domini amen. Nos Hugo et Cristân et Johannes dicti Vo^elin cives loci sancti Galli notum facimus omnibus || et conscripcione presencium confitemur, quod domum nostram in Constantia sitam in Morizier Ga^ezzeli cum orto et aliis suis atti||nenciis non inducti nec circumventi sani et incolumes habentes amministracionem rerum nostrarum vendidimus pro XXX^a marcis argenti || domino Jacobo dicto Roggewiler civi Constantiensi procuratori fratrum Minorum in Constantia¹ nomine eorundem fratrum et ecclesie Romane secundum consuetudinem ordinis sui usibus eorum libere applicandam, et eam ad manus domini Johannis Dispensatoris² civis sancti Galli ex parte dicti procuratoris fratrum ad hoc constituti resignavimus cum sollempnitatibus et modis, qui in talibus contractibus consueverunt secundum loci consuetudinem communiter observari, abdicantes a nobis et heredibus nostris de conscientia et consensu ipsorum omne ius et proprietatem dicte domus, que nobis vel eis conpetebat vel competere videbatur, tradentes eam et inducentes procuratorem eorum in possessionem corporalem, sicut superius est expressum. Obligamus eciam nos, si aliquid contra contractum istum per nos vel aliquem alium occasione nostri in dampnum vel iniuriam eorundem fuerit attemptatum, quod eos indempnes plenarie faciemus. Acta sut^a) hec apud sanctum Gallum, ante superius ostium hospitalis³, presentibus Cv^onr. dicto A^erger et Johanne filio suo, V^olr. dicto Wirt. Cv^onr. dicto Vo^eli, Wernhero dicto Hvnt⁴ et aliis fidedignis in testimonium ad hoc vocatis. Ad maiorem eciam certitudinem premissorum sigillo communitatis sancti Galli⁵ et sigillis nostris presens instrumentum procuravimus consignari. Datum ubi actum, anno ab incarnacione domini M°.CC°.LXXXXIIII. XI. kl. marcii.

Source Fulltext: Chartularium Sangallense IV, Nr. 2332, S. 428.