Universis hanc litteram inspecturis Fridericus miles et Swigerus fratres dicti Tumben de Nuwenburch subscriptorum noticiam cum salute. || Cum nos curiam dictam der houe ze Blattun, quam Alber. dictus ze dem Bo^vngarten excolit, translatam in nos a Růd. dicto der || Wilde Behain de Birchach, H. et Alber. fratribus de Kobelon per titulum permutacionis quorundam bonorum nostrorum videlicet agrorum dictorum an || dem Zolwerde prope Getzis et pratorum dictorum der swesteron mat in den Medern¹ prope Chummingen vice versa a nobis in ipsos translatorum, in quibus constat eisdem legittime recompensatum, sicut iidem per suas litteras contitentur, quam curiam iidem ab imperio tenebant in feodum, in honorabiles et religiosos viros . . abbatem et conventum monasterii de Salem titulo empcionis transtulerimus, sicut in alio instrumento² per nos et predictos R., H. et Alber. eisdem de Salem dato collig(it)ur^a) evidenter, per stipulacionem sollempnem promisimus et promittimus bona fide abbati et conventui memoratis, quod quamprimum copiam serenissimi domini nostri . . regis Romanorum apud Const(anciam)³, Thuregum⁴, Scafusam⁵, Vberlingen⁶, Phullendorf⁷, Vlmam⁸, Rauenspurch⁹ vel Lindaugiam¹⁰ habere poterimus, nomine dictorum abbatis et conventus requisiti recompensacionem dicte curie legittimam per alias possessiones nostras iure proprietario nobis pertinentes eidem domino nostro regi nomine imperii faciemus. Ceterum ne dicta recompensacio seu recompensacionis expedicio in preiudicium sepedictorum abbatis et conventus possit quomodolibet impediri et ut iidem super premissis magis sint tuti iuxta legittimas sanctiones, strennuos viros et discretos Cůnr. de Grimmenstain¹¹, H. de Rankwil¹² militem, necnon dominum H. de Nidegge¹³ nobilem sibi constituimus fideiussores ad expediendum premissa, sicut superius est expressum, dolo et fraude qualibet circumscriptis. Sane si, quod absit, adhibita per nos apud dominum nostrum regem super expedicione recompensacionis iamdicte diligencia qua possumus congrua et competenti, ab eodem domino nostro, ut ipsam recompensacionem a nobis acceptare voluerit, obtinere non possumus et de hoc predictos de Salem, quod pro dicta expedicione fecimus, quicquid debebamus et potuimus, evidenter possumus edocere vel certificare, ex tunc obligati sumus et erimus eisdem de Salem, de possessionibus seu bonis nostris iure proprietatis nobis pertinentibus equivalentibus vel melioribus curie supradicte dicte der houe ze Blattun, si voluerint et a nobis id petierint, ipsam curiam refundere seu recompensare infra trium mensium spacium post monicionem seu requisicionem eorundem, ubicumque locorum voluerint acceptare, possessionibus seu bonis nostris apud Illebrugge¹⁴ prope Veltkilch sitis dum taxat exceptis, alioquin si in aliquo premissorum negligentes fuerimus aut remissi, dicti fideiussores dominus H. videlicet de Rankwil apud Veltkilch, Cůnr. de Grimmenstain apud Rinegge et H. de Nidegge Brigancie¹⁵ fide data nomine iuramenti moniti a sepedictis de Salem infra octo dies post monicionem huiusmodi tenebuntur se in verum obstagium presentare, et si aliquis dictorum fideiussorum legittime et racionabiliter prepeditus videlicet in alio obstagio existendo aut alio quovis racionabili modo personaliter obstagium observare non potuerit, alium eque ydoneum et honestum tenebitur subrogare, numquam inde recessuri, donec omnia predicta per nos finem debitum sorciantur et ad effectum debitum perducantur. Adiectum est etiam, quod si aliquem fideiussorum decedere contigerit, infra mensem post monicionem^b) dictorum de Salem ipsis alium eque ydoneum tenebimur subrogare, alioquin superstites moniti tenentur se in obstagium, ut predictum est, presentare, quousque alter eque ydoneus ipsis per nos loco defuncti subrogetur. Nos C. de Grimmenstain, H. de Rankwil et H. de Nidegge nobilis fideiussores suprascripti omnia predicta vera esse profitentes obligamus nos fide data nomine iuramenti ad omnia nostro nomine prescripta fideliter exequenda, dolo et fraude qualibet circumscriptis. Et^c) in huius rei evidens testimonium et robur inconvulsum ad peticionem Friderici et Swigeri fratrum de Nuwenburch prescriptorum sigilla nostra¹⁶ huic appendimus instrumento. Actum apud Rinegge, anno domini M°.CC°.XC°IIII°. IIII. kl. septembr. indict. VII^a. subnotatis testibus presentibus et rogatis, videlicet honorabili in Christo Růd. incurato in Tal¹⁷, V^oI. de Vttewile¹⁸ et Wern. de Tal militibus, Jo. de Yberch¹⁹, C. ministro seniore, H. et Jo. fratribus dictis ministris de Rinegge, H. de Grîezzerrun²⁰, . . dicto Kelner, Hainr. de A^ems²¹, C. de Horn²² aliisque pluribus fidedignis.

Source Fulltext: Chartularium Sangallense IV, Nr. 2352, S. 439-440.