Universis hanc litteram inspecturis Hainricus Waltherus de Ramswag¹ miles fidem presentibus adhibere. Rebus gestis in futurum litis aufertur occasio, cum ipse scripturarum et testium suffragio perhennantur. Noverint igitur omnes ac singuli, ad quos presens scriptum devenerit, quod dilectus et fidelis famulus meus Otto de Blattun² senior iure mihi et fratri meo Cv^onr.³ proprietario pertinens possessiones suas universas sitas in dem Kobelwalde⁴ et duo prata, unum vulgariter dictum Wiselin⁵, alterum dictum Tridunmat⁵, quas possessiones et prata idem Otto a me in feodum tenuit, quasque ego a . . serenissimo domino Romanorum rege in feodum tenui et possedi, venerabilibus in Christo . . abbati et conventui monasterii de Salem⁶ receptis ab eis viginti et tribus marcis puri et legalis argenti ponderis Constanciensis, quas dictus Otto se recepisse et in evidentem utilitatem videlicet exoneracionem gravium debitorum, quibus occasione mei et Cv^onr. fratris mei suprascripti involutus fuerat, se convertisse publice profitetur, per manus meas et de consensu meo pleno et expresso vendidit, tradidit et donavit ab ipsis ipsorumque monasterio in perpetuum libere possidendas. Renuncio igitur pro me et Ottone prefato nostrisque heredibus universis omni iuri, quod nobis in dictis possessionibus competebat vel competere videbatur. Et ne predictis de Salem in posterum super predicto contractu aliqua materia questionis valeat suboriri, nos Hainr. Walther supranominatus, Rv^odolfus et Hermannus germani de Sulzberg milites et Rv^od. iam dicti Rv^od. de Sulzberg filius⁷ ad instantem peticionem Ottonis sepefati obligamus nos bona fide ad prestandum warandiam de predicto contractu, quocienscumque, quandocumque et ubicumque a prefatis de Salem fuerimus requisiti, et ad procurandum tam apud Cv^onr. de Ramswag militem suprascriptum quam apud heredes pie recordacionis Burkardi Dietrici⁸ militis de Ramswag ratificacionem predicti contractus et resignacionem possessionum prefatarum et ad alia omnia et singula faciendum per eosdem, qui dictis de Salem super iamdicto contractu, cum ipsi heredes ad etatem legittimam devenerint, videbuntur expedire. Et in evidenciam huius rei et robur presentem litteram eisdem de Salem nostris sigillis tradidimus communitam. Ego Otto de Blattun supradictus omnia et singula suprascripta vera esse profiteor et, quia sigillo proprio non utor, sigillis domini mei Hainr. Waltheri suprascripti et dominorum R. et Her. de Sulzberg prefatorum presentem litteram pecii communiri. Ego vero R. de Sulzberg iunior omnia predicta vera esse profitens in signum recongnicionis obligacionis mee, quia adhuc proprio sigillo non utor, sigillo Rv^od. patris mei supradicti usus sum presentibus et contentus. Datum et actum in Noua Arbona⁹, anno domini M°.CC°.XC°IIII°. II non. iunii, indict. VII^a.

Source Fulltext: Chartularium Sangallense IV, Nr. 2342, S. 432-433.