Omnibus Christi fidelibus presentem litteram inspecturis divina permissione . . magistra totusque conventus monasterii in Munsterlingen¹ || ordinis sancti Augustini salutem cum noticia subscriptorum. Inter opera caritatis non minimum reputatur, cum personis religiosis ac devotis || frequencius ac uberius, ut divino valeant obsequio insudare, in hiis, que ipsis ad cottidiani victus usum sunt necessaria, subvenitur. || Noverint itaque tam posteri quam presentes, quos nosce fuerit oportunum, quod nos decimas sitas in Mittelberg², in Zaisenlohe³ et in Awahs⁴ habita deliberacione sufficienti inter nos et consensu unanimi ac tractatu sufficienti premisso et cum voluntate Heinr. de Vttwile⁵, qui partem dictarum decimarum a nobis in feodum tenuit, auctoritate reverendi patris ac domini nostri H. dei gratia Constanciensis episcopi⁶ cum universis suis pertinenciis et iuribus omnique condicione, qua nobis pertinet, divine retribucionis intuitu in religiosas personas . . priorissam et sorores domus, que dicitur de Zouingen, site in Constancia⁷ transtulimus tenendas et possidendas perpetuo cum omni utilitate pacifice et quiete ab eisdem, adhibita in eadem translacione qualibet verborum et gestuum sollempnitate debita et consueta. Et ut premissa nullo umquam possint tempore violari, renunciamus circa ipsa ac quodlibet ipsorum tam pro nobis quam pro successoribus nostris, qui pro tempore fuerint, beneficio restitucionis in integrum, litteris a sede apostolica vel aliunde inpetratis seu inpetrandis, defensioni non adhibite sollempnitatis, omni consuetudini generali vel particulari, privilegio fori, omnibus constitutucionibus eiditis^a) vel edendis, excepcioni doli mali quod metus causa, cuilibet auxilio tam canonum quam legum et generaliter omni suffragio tam in specie quam in genere, quo mediante ea, que premissa sunt, vel ipsorum quodcumque quovis ingenio impediri valeant seu violari. Et in evidenciam omnium premissorum presens instrumentum de nostro consensu et unanimi voluntate confectum ac conscriptum prelibatis priorisse et sororibus tradidimus robore sigillorum nostrorum ac sigillo reverendi patris ac domini H. dei gratia episcopi prelibati communitum. Nos vero H. dei gratia episcopus predictus sigillum nostrum ad peticionem dictarum magistre et conventus in Munsterlingen in evidenciam premissorum duximus presentibus appendendum. Datum et actum Constancie, presentibus fratre Cůnr. de Constancia, fratre Cůnone priore Bernen(si) ordinis Predicatorum⁸, Alberto de Clingenberg⁹ milite, Johanne de Curia, Cůnr. dicto Go^ezzli, Johanne dicto Ôgespurger, Nicolao dicto Tra^ehsel, Heinr. dicto Kessewiler civibus Constanciensibus, Bertoldo villico de Egoltshoven¹⁰ et aliis fidedignis. Anno domini M°.CC°.LXXXX°. sexto, IIII. non. marcii, indictione nona.

Source Fulltext: Chartularium Sangallense IV, Nr. 2396, S. 469-470.