In dem namun unsurs herrun amen. Kunde ich her Eberhart uon Burgulon¹ || allen dien, die disun brief sehunt aldur horrunt lesunt^a), das ich gegebun han || ze choufunne die hůbe des Hagunstalers^b), die hůbe des Hofsteters, die hůbe des Bru||nun ze Lomes² in dem dorf der abtissunnun unde dem conuent ze Tennincon³ umbe uunhzug marc unde sesh marc minra IX ß. Ich han die drie uor genantun hůban dien uor genanten fro^vwon gerihtut uon minum herrun grauun Friderich uon Toggunburg⁴ mit allem rehte ze einum frigun eigun⁵. Were abur, das ieman dien uor genanten fro^vwon die uorgenantun hůban an spreche, da sol ich unde minu kint ir wer sin nah rehte des cho^vfus unde der rihtunge unde der hůbon. Das dis ein warheit si unde stete bulibe, des ist gezug her Johannes uon Sconunberg⁶, her Friderich uon Winfeldun⁷, der meiur^c) uon Lochnowe⁸, her Cůnraht uon Hermstorf⁹, her C. der lupriestur ze Bichulnse¹⁰ was, unde dirre brief gegunwrtic busigultur mit minum insigul. Dirre brief wart gegebun nah gotus geburte ubur tusunt jar zweihundurt jar nunzug unde sesh jar, Barbare.

Source Fulltext: Chartularium Sangallense IV, Nr. 2417, S. 481.