In nomine domini amen. Wilh. dei gratia abbas¹ totusque conventus monasterii sancti Galli omnibus presentium^a) inspectoribus salutem cum notitia^a) subscriptorum. || Ea que aguntur sub tempore, ne oblivionis caligine obfuscantur, scripturarum testimoniis convenit perennari^b). Hinc est, quod omnibus bone voluntatis ho||minibus tam presentibus quam futuris notum fieri volumus per presentes, quod cum dictum nostrum monasterium^c) tam gravi onere debitorum, ex quo dampna cottidiana et || usure continue emergebant adeo graviter, quod nisi celeri remedio subveniretur eidem, ad irrestaurabilem ruwinam mergeretur. Nos volentes contra lapsum huiusmodi providere, cum non esset nobis aliunde facultas, possessiones nostras in Morishusen^d)2 prehabito inter nos diligenti tractatu tamquam minus utiles venditioni^a) exposuimus legitime, ut magis offerenti venderentur. Sed quia Hainr. rector ecclesie in Mo^erishusen et V^olr. frater suus necnon . . liberi quondam Hainr. fratris ipsorum dicti de Zurzach³ plus aliis offerebant, eis ob causam predictam prefatas possessiones in Mo^erishusen, videlicet curiam nostram dictam der kelnhoue^e), prout infra septa sua est contenta, cum agro sibi contiguo dicto die^f) Bvnde, cum iure patronatus ecclesie ibidem annexo eidem curie et cum scuopossa, que wulgariter^g) dicitur des Dorflingers⁴ schuoposse, et pertinentiis^a) omnibus eiusdem schuoposce dumtaxat omnibus aliis nobis retentis, iurisdictione videlicet districtu, iudiciis, hominibus, procurationibus^a) ac universis aliis iuribus annexis eidem curie iusto venditionis^a) titulo pro quinquaginta septem marcis argenti ponderis Constantiensis assignavimus, tradidimus et donavimus ab eis et heredibus ipsorum possidendas perpetuo et tenendas, de quo quidem argento nobis plenarie satisfactum esse presentibus^h) confitemur, adhibita in hac venditione^a) omni sollempnitate iuris, verborum et gestuum, que solet et debet in venditionibus^a) huiusmodi adhiberi. Adiectum est autem in contractu, quod ipsam curiam vendidimus eisdem absolutam et liberam ab onere advocatie^a), quod de ipsa curia dari conswevitⁱ⁾, promittentes bona fide non contravenire verbo vel facto, renuntiantes^a) insuper omnibus privilegiis habitis et habendis ac rescriptis a sede apostolica inpetratis^k) vel etiam inpetrandis aliunde, auxilio conswetudinisⁱ⁾ generalis seu specialis, exceptioni doli mali, non numerate peccunie^l), non solute, deceptionis^a) ultra dimidiam iusti pretii^a) ac beneficio restitutionis^a) in integrum principaliter seu incidenter postulando et generaliter omni auxilio seu defensionibus iuris et facti, quibus mediantibus ea, que dicta sunt, infirmari valeant vel aliqualiter irritari. In horum autem evidentiam nos Wilh. dei gratia abbas prememoratus sigillum nostrum, nos vero H. prepositus⁵, Růmo^m) de Ramstain⁶, H. portarius⁷, H. de Durrinhain⁸, V^olr. camerarius⁹, Hilteboldus custos¹⁰, Joh. de Gutinginⁿ⁾¹¹ monachi supradicti monasterii, qui presentialiter^a) dictum tractatum consumavimus et nostrum consensum benivolum omnibus suprascriptis adhibuimus, sigillum conventus nostri presentibus apposuimus in testimonium veritatis. Datum et actum apud sanctum Gallum anno domini M°.C°C°.LXXXXV°II°.^o) VIII.^p) idus febr. ind. X.^q) presentibus domino Walt.^r) dicto Lesti rectori^s) ecclesie in Herisowe¹², domino Bur.^t) milite advocato de Wartinse¹³, Eglolfo seniori^u) de Rosinberg¹⁴, Jo.^v) doctori^w) puerorum apud sanctum Gallum¹⁵ et aliis quam pluribus fidedignis.

Source Fulltext: Chartularium Sangallense IV, Nr. 2421, S. 484-485.