C. de Grv^onburg predictus persona principalis iur(atus). Requisitus dicit, quod credit se habere iustam causam deffensionis. Requisitus, quam, dicit, quod proventus curie in Mvnolvingen, qui vulgariter dicuntur die vrbor, de curia in Mvnoluingen predicta obligati fuerunt quondam dicto Gerungo, patuo^a) eius qui dicitur^b) et patri suo^c) a quodam abbate monasterii sancti Galli, cuius nomen specificare nescit, pro septuaginta et quinque marciis^d) argenti pro servicio ipsorum, quod vulgariter dicitur vmb irgetrvwen dienst, et quod mortuo predicto patruo suo dominus Ber. abbas monasterii antedicti attraxit omnes redditus predictus^e), exceptis viginti novem modus tritici et decem et octo modus fabe, quos reliquit patri suo memorato pro parte ipsum de dicta peccunia contingente, et dicit, quod ista recepit a tempore obitus patris sui, cui ipse successit in pignore prelibato, et dicit, quod credit se habere iustam causam petendi aliam partem proventuum predictorum ratione patrui sui predicti, cui dicta peccunia et patri suo communis fuit, et sibi tamquam heres proximior succedere debuit in pignore supradicto. Requisitus de tempore obligationis dicit, quod nescit. Requisitus, quanto tempore perceperit dictos proventus, dicit, quod viginti quatuor annis percepit eos. De decima vero, que der mer zehende dicitur, dicit, quod tam ipse quam progenitores sui ipsam tenuerint in feod(um) a dicto monasterio et quod ipse, qui dicit, de dicta decima a tribus abbatibus dicti monasterii extitit infeodatus videlicet domino V^olr. de Gvttingen, domino Rv^omone et domino Wilnhel.¹, qui nunc est. Requisitus, si de proventibus dicte decime aliquid fuerit persolutum monasterio sancti Galli ab eo vel suis progenitoribus, dicit, quod a se nichil persolvit nee intellexit, quod a suis genitoribus aliquid fuerit persolutum. De decimis vero in Tainingen, Emingen, Wighain, Pforren et Wesdorf dicit, quod habet in liberum feodum a monasterio sancti Galli predicto et quod non intellexit, quod dictum mon(asterium)^f) aliquid esset solvendum de decimis antedictis, et subiungit, quod^g) dominus portenarius, qui nunc est², ipsum inpeterit de decimis antedictis, ordinatum fuit per dominum Alber. bone memorie Augie maioris abbatem³, quod de decima in Mvnoluingen dicta der borzehende annis singulis solvere deberet monasterio sancti Galli decem modios tritici mensure in Nidingen, alias vero deeimas supradietas teneret libere et solutas. Requisitus, si^h) dicta ordinatio facta fuerit cum consensu domini . . abbatis et conventus monasterii sancti Galli, dicit, quod abbas non contradixit, licet esset presens, quando dicta ordinatio facta fuit, de consensu conventus dicit, quod nescit. Requisitus de prima obligatione, si facta fuerit de consensu abbatis et conventus, dicit, quod sic, et quod instrumenta data fuerunt ab ipsis super hoc sigillis abbatis et conventus comunita.

Source Fulltext: Chartularium Sangallense IV, Nr. 2436, S. 501.