Universis Christi fidelibus hanc paginam inspecturis Eglolfus miles de Altstetten² || rei geste noticiam cum salute. Noverint omnes et singuli, ad quos presens scriptum || devenerit, quod ego partem alpis, que vulgariter Vâile³ nuncupatur, cum omni iure, quod || mihi in eadem alpe competiit vel competere videbatur quovis modo, venerabilibus in Christo . . abbati et conventui monasterii de Salem⁴ ordinis Cysterciensis Constantiensis dyocesis receptis ab eisdem quinque libris denariorum Constantiensis monete, quas me recepisse et in usus necessarios convertisse profiteor, vendidi tradidi et donavi ab ipsis ipsorumque monasterio quiete et pacifice perpetuo possidendam. Renuncio igitur pro me meisque heredibus universis omni iuri tam in genere quam in specie, quod mihi in dicta alpe quovis modo competebat vel competere videbatur. Et ne dicti de Salem in ipso contractu sive iure valeant defraudari, obligo me per presentes ad prestandum warandiam de premissis, quandocumque et quocienscumque ab eisdem de Salem fuero requisitus. In cuius rei testimonium et robur hanc litteram prefatis de Salem tradidi mei sigilli robore communitam. Act. apud Altstetten anno domini M°.XC°VIII^oa). XVI. kl. iunii, subnotatis testibus presentibus et rogatis, videlicet . . dicto Knelle, Her. hinder dem Bv^ele, Hainr. dicto A^etti et Cůnr. dicto Han aliisque pluribus fidedignis.

Source Fulltext: Chartularium Sangallense IV, Nr. 2448, S. 513-514.