Den erberen vnde den bescheidenen bvrgeren dem schvltheissen vnde dem râte vnde der || gemeinde von Friburg in Brisgo^ewe¹ enbvt ich graue Friderich von Toggenburg || der elter² minen getrvwen dienst mit ganzen willen vnde tv^on vch kvnt vmbe den || zins³, des ir mir schvldig sint von mines herren wegen graven Egenen wegen⁴, swes ir des zinses hern Hvnin⁵ vnserm lieben capellan gewerent, das ich des gewert bin, vnde das ir das gelo^vbent vnde wissent, das es war ist, dar vmbe gib ich min offen ingesigel an disem brief ze eime rehten vrkvnde. Dirre brief wart gegeben nah der gebvrte vnsers herren, do man zalte tvsent jar vnde zwei hvndert jar vnde nvnzig vnde aht jar nach sante Michels tage an dem fritage.

Source Fulltext: Chartularium Sangallense IV, Nr. 2459, S. 522.