[Dilecto filio Ruodolfo dicto Meiger¹] canonico Curiensi salutem. Probitatis tue merita, super quibus apud nos [multipliciter comendaris, merito nos indu]cunt, ut personam tuam dono specialis gratie prosequamur. Cum itaque canonicatus et prebenda ecclesie Curiensis, [quos venerabilis frater noster Conradus episcopus Fris]ingensis² olim dicte ecclesie canonicus promotionis sue tempore per nos facte de ipso [ad Frisingensem ecclesiam tunc pastore car]entem in eadem Curiensi ecclesia obtinebat, per huiusmodi promotionem suam et consecrationis munus [de mandato nostro] extra Romanam curiam impensum eidem vacare noscantur ad presens, de quibus nullus preter nos hac vice disponere potuit neque potest pro eo, quod nos diu ante vacationem huiusmodi omnes canonicatus et prebendas ceteraque beneficia ecclesiastica per promotionem quorumcumque prelatorum tunc per nos ad episcopalem dignitatem promotorum et promovendorum imposterum et consecrationis munus per nos seu de mandato nostro impensum eisdem, ubicumque illa vacare contingeret, collationi et dispositioni nostre specialiter reservantes, decrevimus extunc irritum et inane, si secus super hiis a quoquam quavis auctoritate scienter vel ignoranter contingerit attemptari. Nos volentes tibi premissorum meritorum tuorum intuitu gratiam facere specialem predictos canonicatum et prebendam sie vacantes cum plenitudine iuris canonici ac omnibus iuribus et pertinentiis suis apostolica tibi auctoritate conferimus et providemus de illis decernentes, prout est irritum et inane, si secus super hiis a quoquam quavis auctoritate scienter vel ignoranter attemptatum forsan est hactenus vel contigeret imposterum attemptari, non obstantibus quibuscumque statutis et consuetudinibus ipsius ecclesie contrariis iuramento confirmatione apostolica vel quacumque firmitate alia roboratis aut si aliqui apostolica vel alia quavis auctoritate in eadem ecclesia in canonicos sint recepti vel ut recipiantur insistant seu si super provisionibus sibi faciendis de canonicatibus et prebendis in dicta ecclesia speciales vel de beneficiis ecclesiasticis in illis partibus generales nostras vel predecessorum nostrorum Romanorum pontificum aut legatorum sedis apostolice litteras impetrarint, etiam si per eas ad inhibitionem reservationem et decretum vel alias quomodolibet sit processum, quibus omnibus te in assecutione dictorum canonicatus et prebende volumus anteferri, sed nulluni per hoc eis quo ad assecutionem prebendarum et beneficiorum aliorum preiudicium generari, seu si venerabili fratri nostro . . episcopo et dilectis filiis capitulo Curiensi vel quibusvis aliis comuniter vel divisim ab eadem sit sede indultum, quod ad receptionem vel provisionem alicuius minime teneantur ac ad id compelli non possint, quodque de canonicatibus et prebendis ipsius ecclesie aliisque beneficiis ecclesiasticis ad eorum collationem provisionem seu quamvis aliam dispositionem coniunctim vel separatim spectantibus nulli valeat provideri per litteras apostolicas non facientes plenam et expressam ac de verbo ad verbum de indulto huiusmodi mentionem et qualibet alia dicte sedis indulgentia generali vel speciali, euiuscunque tenoris existat, per quam presentibus non expressam vel totaliter non insertam effectus huiusmodi nostre gratie impediri valeat quomodolibet vel differri et de qua cuiusque toto tenore habenda sit in nostris litteris mentio specialis aut si presens non fueris ad prestandum de observandis statutis et consuetudinibus eiusdem ecclesie solitum iuramentum, dummodo in absentia tua per procuratorem ydoneum et cum ad ecclesiam ipsam accesseris corporaliter illud prestes, seu quod parrochialem ecclesiam de Linnugen^a)3 Constanciensis diocesis nosceris obtinere, Nulli etc. nostre collationis provisionis constitutionis et voluntatis infringere etc.^b) Dat. Auinione, V. non iulii anno duodecimo. In eodem modo dilectis filiis . . abbati monasterii in Mure⁴ et . . thesaurario Thuricensi⁵ Constanciensis diocesis ac magistro Nicolao de Fractis canonico Patracensi⁶ ecclesiarum litterarum nostrarum correctori salutem. Probitatis dilecti filii Ruodolfi etc. usque noscitur obtinere. Quocirca mandamus, quatinus vos vel duo aut unus vestrum per vos vel alium seu alios eundem Ruodolfum vel procuratorem suum eius nomine in corporalem possessionem canonicatus et prebende iurium et pertinentiarum predictorum inducatis auctoritate nostra et defendatis inductum amoto ab eis quolibet detentore facientes eum vel dictum procuratorem pro eo in dicta ecclesia Curiensi ad eandem prebendam in canonicum recipi et in fratrem stallo sibi in choro et loco in capitulo cum plenitudine iuris canonici assignatis sibique de ipsorum canonicatus et prebende fructibus redditibus proventibus iuribus et obventionibus universis integre responderi, non obstantibus omnibus supradictis seu si episcopo et capitulo memoratis vel quibusvis aliis comuniter vel divisim a predicta sit sede indultum, quod interdici suspendi vel excomunicari non possint per litteras apostolicas non facientes plenam et expressam ac de verbo ad verbum de indulto huiusmodi mentionem. Contradictores auctoritate nostra etc. Dat. ut supra.

Source Fulltext: Chartularium Sangallense VI, Nr. 3360a, S. 550-551.