Wir Leupolt von gots gnaden herczog ze Oster(rich)² ze Steyr ze Kernden vnd ze Krain graf ze Tyrol etc. tun || kunt, daz wir vnsern gunst vnd gůten willen darczů gegeben haben, daz vnser lieber getrewr Wilhalm von || End³ von Grimmenstain⁴ die nachgeschriben lút vnd gůter, die sein lehen von vns sind, . . der von Wussnang⁵ || siner elichen husfrawn an irer eestúr zů libgeding gemacht vnd verschriben hat, das ist Růlanden vz der Vorburg⁶ ze Grimmenstain mit wib vnd kinden vnd Hansen Ku^enissv^on vs der Vorburg och mit wib vnd mit kinden vnd Hênslein Hanussůn, den wingartten, den man nennet den Nidern Swent⁷, den wingartten, den man nennet den Ger⁸, den wingartten, den man nennet die Lind⁷, vnd ain wise, die man nennet der Gill⁷, lit in Mayer Ôwe⁹, also daz si dieselben lúte vnd gu^eter in rechts libding wise vnuerkumbert innhaben vnd niezzen sol, als libdings vnd landes recht ist, an geuêrd, doch vnserm lieben brůder herczog Albrechten¹⁰ vns vnd vnsern erben vnschedlich an der lehenschaft vnd an andern rechten, die wir billich daran haben sullen. Mit vrkund dicz briefs. Geben vf Tyrol¹¹ an mittwochen vor sand Peters tag, als er vf den stůl gesacz ward, nach Kristes geburd drúczehen hundert iar, darnach in dem drew vnd sibenczigistem iare.

Source Fulltext: Chartularium Sangallense IX, Nr. 5340, S. 7.