Allen^a) den, die disen brief an sehent lesent oder ho^errent lesen, kúnd ich her Cůnrat von || Vilmensperg¹ kilchher ze Lúma^ericon² in Costenzer bystům vnd vergih offenlich an disem brief || fúr mich vnd alle min nachkomen, es sient kilchherren oder caplan der vorgenanden kilchen ze Lútma^e||ricon, dz ich vnd min nachkomen, als vor gesait ist, sond began dú jarzit der erwirdigen herschaft graf Diethelms sa^elgen von Tokkenburg³ vnd fro Adelhait sa^elgen von Griessenberg⁴ siner elichen wirtenn vnd fro Angnesen sa^elgen von Griessenberg⁵ der selbun fro Adelhaiden sa^elgen elichú můter, vnd sol ich vnd min nachkomen, als vorgeschriben ist, dú selbun jarzit yemer began vff sant Franziscus tag, vnd sol ich vnd min nachkomen, als vorgeschriben ist, welher denn da ist, ainen priester ze im bitten, also dz er selbander priester sol sin, vnd dem selben priester den imbis geben. Dú vorgeschribnen iarzit sont wir began alweg vff den vorgeschribnen tag von der gab wegen, so sú geben hant mir vnd minen nachkomen eweklich durch iro selen hailes willen, des ersten ain gu^etli gelegen ze Vilmensperg gilt sehs viertal kern vnd VI schilling pfennig Costenzer múns ja^erlich geltes, dz buwet Ru^edi ab der HVb⁶, vnd ain wis gelegen in Hirtzow⁷ giltet anderhalb viertal kern Wil⁸ mess. Wa^er aber, dz ich oder min nachkomen dú vorgenanden jarzit nit begiengen in aller der wis, als vorgeschriben ist, so sol dz vorgenant gelt alleklich gan an dz lieht in der kappel, dú an der vorgenanten kilchen lit ze Lútma^ericon. Ich obgenander her Cůnrat vergih ainer ganzen warhait, dz ich noch kain min nachkom, der kilchherr ze der vorgenanden kilchen ist, sol niessen dz vorgenant gelt, er si denn selber vff der kilchen sesshaft, kainem caplan sol och nit geminrot werden, wz zů pfrůnd geho^ert oder geho^eren sol von rehten ald von gewonhaiten, won das dz selb gelt eweklich sol niessen ainer, der vff der vorgenanten kilchen ze Lútma^ericon sesshaft ist, er si kilchher oder kaplan, vnd ew[e]klich^b) in dz jarzit bůch sol ho^erren. Vnd sint allú vorgeschribnú ding beschehen mit allen worten werchen ra^eten vnd geta^eten, so dar zů geho^ert oder geho^eren sol von reht oder von gewonhait, vnd mit allen dingen, so dar zů gůt nútz oder notdúrftig waren. Vnd des ze merer vnd o^vch ainer sta^eten sicherhait aller vorgeschribner ding so henk ich obgenander her Cůnrat von Vilmensperg kilchher ze Lútma^ericon min aigen insigel offenlich an disen brief. Der geben wart ze Lútenspurg⁹ in der vesti an sant Niclausen abent des hailigen bischofes in dem jar, do man zalt von Cristus gebúrt drúzehenhunder^c) jar, sybenzigig^c) iar, dar nach in dem dritten jar.

Source Fulltext: Chartularium Sangallense IX, Nr. 5387, S. 61.