Dem erwirdigen fu^ersten meinem^a) gnaedigen herren abt Georygen abt dez erwirdigen gotzhauzz ze sant Gallen¹ enbewt || ich Wilhalm Burgolt Hansen Burgoltz saeligen sun mein willig vndertaenigen dienst mit vesten trewen in allen sachen. || Gnaediger herr, eiwer erwirdikait tůn ich ze wissent mit disem brief, daz ich mein gůt zem Burgoltz², daz von eiwch || vnd ewerm gotzhauss lehen ist, dem nachbenempten Chůnr. Weslin vss der Rúti³ ains redlichen koffs ze kauffend geben haun. Vnd darumb so bitt ich euwer gnaud mit gantzem fleizz vnd ernst, daz ir daz selb gůt mit allen rechten von Jacob dem Schlaich meinen gůten frw^end, der eiwch disen brief antwurt, von minen wegen vnd an meiner stat, in dez hand ich ez auff geben haun an jiwer hând, auff nemend vnd es lichent vnd lichen wellent dem vorgenanten Cůnr. Weslin, daz wil ich immer vmb eiwer gnâd verdienen, vnd mich schaden vnd arbait v´ber ho^ebent von dez gerittzz wegen, daz ich zů ew^e tůn mu^est, wan ich nicht sicher ritten noch zů ew^e cho^emen moecht. Vnd dez ze ainem wauren vrchu^end vnd ze ainer sta^eeter sicherhait aller vorgeschribner ding so haun ich egenanter Wilhalm Burgolt mein aigen ynnsigel gehenkt an disen ôffenn brieffe. Der geben wart ze Aychach⁴ in der stat in dem iaur, do man zalt von Crystes gebu^ert drew^ezehenhundert iaur vnd darnach in dem drein vnd sybentzigosten iaur, an der naechsten mitwuchun vor sant Gallen tag.

Source Fulltext: Chartularium Sangallense IX, Nr. 5380, S. 55-56.