Ich^a) Ru^edger vom Rosenhartz¹ tůn kunt vnd vergich offenlich fu^er mich vnd fu^er min erben vor allerma^enclich mit disem brief allen den, die in ansehent oder ho^erent lesen, || daz ich mit wolbedachtem sinne vnd mit gůter vorbetrachtung recht vnd redlich verkofft vnd ze koffend geben haun ze ainem sta^eten vnd ewigen koff fu^er recht lehen || von dem erwirdigen herren dem abt dez gotzhus ze sant Gallen den ersamen vnd wolbeschaidnen mannen Hainrichen vnd Růdolffen den jungen vo^egten von Sumerow^e2 || gebrůdern gesezzen zem Liv´poltz³ Růdolffen dez alten vogtz sa^eligen súnen vnd allen iren erbun, ob sy enwa^erin, div^e nachbenempten miniv^e gu^eter, dez ersten daz gůt zem Nussbâm⁴, da Haintz der Nussbamer hu^et ze tag vff sitzt, vnd daz gůt zem Lorenhus⁵, daz och der Nussbamer buwet, vnd daz gůt zem Tobel⁶ vnd daurzů daz gu^etli, daz man na^emmet daz Becherlehen⁷, div^e selben gu^eter a^elliu^e haun ich in vnd iren erbun geben ains redlichen vnd sta^eten koffs, alz vorbeschaiden ist, mit allen rechten nu^etzen vnd zůgeho^erden, ez sy an holtz an veld an aker an wis an waid an owen an gerútt an wasen an zwij an wasser sta^endem oder fliezzendem an wassers flúzzen an steg an weg an tratt an mad vnder erd ald ob erd besůchtz ald vnbesůchtz vmb aun ains fiv^enftzig phumd^b) phenning gůter vnd gna^emer Costentzer mu^ens, der ich von den obgenanten Hainrichen vnd Růdolffen den ||
vo^egten gebrůdern gar vnd ga^entzlich gewerot vnd nach minem willen bezalt bin vnd die anderschwa in minen redlichen nutz vnd an min notdurfft komen vnd bewent sint. Vnd darumb verzich ich mich hiu^et ze tag fu^er mich vnd fu^er alle min erben in der obgenanten Hainrichs vnd Růdolffz der vo^egt vnd in ir erbun hand aller der recht vordrumg^b) vnd ansprach, die ich vnd min erben zů den vorgeschribnen gu^etern gehept haben ald her nach ymmer gwinnen mo^echten, ez wa^er vff gaistlichem oder vff weltlichem gericht, vnd wan diu^e vorgenanten gu^eter a^elliu^e mit ir zůgeho^erd recht lehen sint von dem erwirdigen herren dem abt dez gotzhus ze sant Gallen, alz vor gelupa^ert ist, so sol ich der vorgenant Ru^edger vom Rosenhartz vnd mit mir alle min erben der obgenanten Hainrichs vnd Růdolffs der vo^egt gebrůder vnd iro erbo der vorgeschribno gu^eter aller mit aller zůgeho^erd recht vnd getriu^e trager sin, alz lang vnd bis vff die zit, daz ich ald min erben in oder iren erbun diu^e vorgeschriben gu^eter a^elliu^e geferggin vnd von dem lehenherren in ir hand bringin mit Worten vnd mit werken, div^e darzů geho^erent vnd wie es wol kraft haben mag. Vnd alle die wil diu^e vorgeschriben gu^eter vngefergot sint von dem obgenanten lehen herren, so sol ich der vorgenant Ru^edger vom Rosenhartz vnd min erben, ob ich enwa^er, vnd die hie nach benempten ersamen mann^e, die ich vff die^ev vorgenanten gu^eter ze gwerun gesetzt haun, alz hie nachgeschriben staut, der obgenantun Hainrichs vnd Růdolffs der vo^egt vnd iro erben, ob sy enwa^erin, vmb die vorgeschribnun fergung recht gweren sin nach recht vff gaistlichem vnd weltlichem gericht, alz lang vnd bis vff die zit, daz in oder iren erbun diu^e selb fergung der gu^eter gar vnd ga^entzlich volfu^ert wiert, wie es wol kraft haben mag. Vnd darnach wenn daz geschicht, so sol ich der vorgenant Ru^edger vom Rosenhartz vnd mit mir alle min erben ir vnd iro erbun vff diu^e vorgeschriben gu^eter a^elliu^e recht gweren sin nach lehens recht gen ma^enelich vff gaistlichem vnd weltlichem gericht. Vnd daurzů ze ainer merer vnd besserr sicherhait so haun ich den vorgenanten Hainrichen vnd Růdolffen den vo^egten vnd iren erbun vmb den vorgeschriben kôff vnd vff diu^e obgenanten gu^eter zů mir vnd zů minen erbun ze rechten gwerun geben vnd gesetzt nach lehens recht dis nachbenempten ersamen vnd wolbeschaiden mann^e her Johansen vom Rosenhartz ritter mimen^b) vetteren, Hansen von Ânkenrúti⁸, den man na^empt den Landamman von Rauenspurg⁹, vnd Burkarten von Râitnow¹⁰ alle vnuerschaidenlich vnd gen ma^enelich an allen stetten vff allen gerichten gaistlichen vnd weltlichen vnd wa sy oder ir erben dez allez bedurffent oder notdúrfftig sint, also vnd mit der beschaidenhait, wa^er daz den vorgenanten Hainrichen vnd Růdolffen den vo^egten gebrůdern ald iren erbun, ob sy einwa^erin, diu^e vorgeschriben gu^eter yena an geraicht oder anspra^echig wurden mit dem rechten gar oder ain tail vff gaistlichem oder vff weltlichem gericht, da sol ich oder min erben vnd die vorgenanten gweren oder ir erben die obgenanten Hainrichen vnd Růdolffen die vo^egt gebrůder vnd ir erben, ob sy enwa^erin, vmb versprechen vnd vertretten nach dem rechten vnd der ansprach aun allen schaden tůn. Ta^et ich ald min erben vnd die vorgenanten gweren oder ir erben dez nit vnd wa^er, daz die vorgenanten vo^egt gebrůder oder ir erben, ob sy enwa^erin, sich selber von der obgeschribnun gu^eter wêgen versprechen mu^estin, wie sy dez versprechentz ze schaden ko^emin, den schaden allen sol ich der vorgenant Ru^edger vom Rosenhartz vnd min erben vnd die obgenanten gweren oder ir erben den egenanten Hainrichen vnd Růdolffen den vo^egten ald iren erbun gar vnd ga^entzlich vssrichten vnd abtůn aun allen schaden. Gescha^ech daz nit, so haund sy ald ir erben vnd ir helfer darnach vollen gwalt vnd gůt recht, mich ald min erben vnd die vorgenanten gweren ald ir erben darunnb^b) anzegriffend ze phendent vnd ze no^etent mit gericht ald aun gericht mit clag oder aun clag in stetten oder vff dem land an vnsren lúten vnd gu^eten v´ber alle buntnu^ess lantfrid vnd fryhait dez kaysers der herrun vnd der stett, die yetz sint ald noch wurden, vnd mugend daz tůn alz lang vnd alz vil, bis daz in oder iren erbun daz allez vssgericht vnd volfu^ert wiert aun allen schaden. Ich der vorgenant Ru^edger vom Rosenhartz vergich och fu^er mich vnd min erben, die vorgenanten gweren alle vnd ir erben von der obgeschribnun gwerschaft gar vnd ga^entzlich ze lo^esent aun allen schaden, iren worten vmb den schaden ze gloubent aun ayd, ob sy dez ze schaden ko^emin. Vnd dez allez ze ainem wauren vnd offenn vrchu^end so gib ich der vorgenant Ru^edger vom Rosenhartz dem egenanten Hainrichen vnd Růdolffen den vo^egten gebrůdern vnd iren erbun disen brief besigelt mit minem aigen vnd angehenkten ynsigel vnd mit der vorgenanten gwerun ynsigeln. Wa^er och, daz der ynsigel ains ald me an disen brief nit ka^emin oder vngeuarlich daur an brúchig oder misskert wurdin, daz sol den vorgenanten Hainrichen vnd Růdolffen den uo^egten noch iren erben ouch ze kaynem schaden komen vnd sol in diser brief kreftig vnd nu^etz bliben mit allen stuken vnd artikeln, die hie vorgeschriben staund. Wir die vorgenanten gweren alle veriehen der gwerschaft in aller der wis, alz vor von vns an disem brief geschriben staut, vnd darumb henken wir vnsriu^e aignw^e insigel ouch an disen brief. Der geben wart ze Wangen¹¹ in dem iaur, do man zalt von Cristes gebu^ert dru^ezehen hundert iaur vnd darnach in dem fier vnd sybentzigosten iaur, an dem na^echsten frytag vor sant Laurentzen tag.

Source Fulltext: Chartularium Sangallense IX, Nr. 5411, S. 85-87.