Dem erwirdigen gaistlichen fursten vnd heren heren Georien apt dez gotzhau^es ze sant Gallen embieten wir Fridrich hertzog ze Decke || vnserr willig dienst berait ze allen zeiten. Wir lauzen iuch wissen, daz wir dem edeln hochporn Rud. grauf ze Hochemperg vnserm lieben o^ehaim || die stat ze Oberndorffe ze kauffen geben haben, die wir von iu^ech vnd iu^erem gotzhau^es pis her ze lehen gehebt haben, die selben lehen || wir iu^ech auf sendent bey dem edeln wolerpornen grauf Fried. von Zolrn von Schaltzpurg ritter v^enserm lieben o^ehaim vnd auch auf gebent mit diesem gagenwu^ertigen briefe, vnd pitten iu^ech mit allem fleiz vnd ernst, daz ir die vorgenant stat Oberndorff vnd wir daw von iuch ze lehen gehebt haben, von v^ens auf nement wollent vnd furbas lihent dem vorgenanten Růdolff grau^ef ze Hochemperg vnserm liebem o^ehaim die obgenant statt Oberndorff mit iro zů geho^erdt mit allen wirden eren, alz wirz von iu^ech ze lehen gehebt haben, vnd auch darumb dez lihentz besorgen wollent mit iuwern ffurstlichen briefen, daz er von iu^ech iurem gotzhau^es dez lihentz habent sey vnd craft vnd maht habe, daz wollent wir vmb iu^ech iu^ewer gotzhau^es allezeit verdienen. Vnd dez zů vrkunde senden wi^er iu^ech diesen briefe besigelt mit vnserem aygen insel^a), daz offenlichen daran gehencket ist. Der brief ist geben ze Rotenpu^erg an sant Silfersters tage nach gotes gepu^ert driutzehenhundert jare, darnach in dem ffiunf vnd siebentzzigostem jare.

Source Fulltext: Chartularium Sangallense IX, Nr. 5431, S. 108-109.