Allen^a) den, die disen brief ansehent lesent oder ho^erent lesen, kúnden wir Hainrich vnd Walther von Altstetten¹ gebrůder vnd veriehen offenlich an disem brief fúr v´ns || vnd fúr alle v´nser erben vnd nâchkomen, das wir baid mit gůter vorbetrahtunge vnd mit wolbedahtem můt dem beschaiden man Johansen ze dem Bu^el² vnd allen || sinen erben vnd nâchkomen reht vnd redlich verlihen habint vnd lîhen mit disem brief den hoff gelegen ze Eggenwille³ ze dem Bu^el mit wunne mit waid mit || holtz mit veld mit akker mit wisen mit allen rehten nútzen vnd gewonhaiten vnd mit aller zu^egeho^erd ze ainem sta^eten erblêhen also mit semlicher beschaidenhait vnd geding, das der selb Johans ze dem Bu^el vnd alle sin erben vnd nâchkomen hinnenhin aller ia^erklich iê ze sant Gallen tag v´ns oder v´nsren erben, ob wir enwa^erint, dauon ze zinse geben vnd rihten sond ain pfunt pfenning Costentzer múns drú hu^enr ain klo^vben werchs vnd fúnftzig aiger ja^erlich ze den o^vstran, vnd nit mêr sol er noch kain sin erben noch nachkomen v´ns noch v´nsren erben noch nachkomen dauon ja^erklich gebunden sin ze zinse ze gebenn, vnd súllent o^vch sú fúrbas mit kainen sachen niht trengen dann vmb so vil zinses, als da vor an disem brief geschriben stat, vnd sunderlich mit dem gedinge vnd mit so^elichen rehten, wenn der selb Johans ze dem Bu^el enist vnd er stirbet, so súllent wir vnd alle v´nser erben vnd nachkomen iê des selben Johansen ze dem Bu^el na^ehsten erben, wer der ist es sie fro^vwe oder man, den vorgenanten hoff mit aller zůgeho^erde âne allen fúrzug vnd widerred lîhen, wenn es an v´ns geuordrot wirt, in allen dem zinse vnd reht als dem selben Johansen ze dem Bu^el vnd als vorgeschriben stat, vnd sol o^vch v´ns vnd v´nsren erben, ob wir enwa^erint, des selben Johansen ze dem Bu^el na^ehster erbe, wer der ist, der dann den obgenanten hoff von v´ns enpfâhen wil, ain viertal smaltz dauon ze erschatz geben vnd o^vch nit mêr, als dik es ze schulden kunt, âne geuerde, vnd habint darumb von im enpfangen zwaintzig pfunt pfenning gůter vnd gena^emer Costentzer múns, die er v´ns darumb geben hât vnd gâr vnd gantzlich von im gewert vnd bezalt sint. Sunderlich ist ze wissenn, wa^er das der selb Johans ze dem Bu^el ald sin erben, ob er enwa^er, fúr disen húttigen tag hin dehainost von ieman von des vorbenemten houes wegen angesprochen wurdint mit dem rehten oder âne reht ald das sú daran ieman an iren rehten mit dehainen sachen sûmen ald irren wo^elt, als dik das bescha^ech darumb súllent wir vnd alle v´nser erben vnd nachkomen in vnd alle sin erben vnd nachkomen âne alle widerred vnd âne allen iren schaden, wenn wir her vmb gemant werdent, verstân vnd versprechen vor gaistlichem vnd vor weltlichem gerihte vnd mit namen an allen stetten âne geuerde, als o^vch wir inen baid bi gůten trúwen gelo^vpt habint. Wa^er o^vch das wir oder v´nser erben vnd nachkomen den vorbenemten hoff dehaines iâres verko^vffen woltint, so súllent wir in dem êgenanten Johansen ze dem Bu^el oder sinen erben, ob er enwa^er, vor ma^englichem des ersten vail bieten vnd ze ko^vffenn geben, ob sú in ko^vffen woltint. Wa^er aber das sú in niht ko^vffen woltint ald mo^ehtint, so súllent wir den selben hoff doch nieman túro ze ko^vffenn geben dann fúr so vil zinses, als da vor an disem brief geschriben stat, dennoht dem vorgenanten Johansen ze dem Bu^el vnd allen sinen erben an iro rehtunge gantzlich vnscha^edlich. Daz selb sol o^vch v´ns vnd v´nsren erben, ob wir enwa^erint, ze gelîcher wîse bedingot vnd behalten sin, ob der selb Johans ze dem Bu^el ald sin erben, ob er enwa^er, dehaines iâres irú reht, die sú an dem vorgeschribenen hoff hant, verko^vffen woltint, so súllent sú v´ns vnd v´nsren erben, ob wir enwa^erint, dú selben irú reht o^vch des ersten vail bieten vnd ze ko^vffenn geben, ob wir ko^vffen wend, woltint aber wir noch v´nser erben niht ko^vffen, so sond vnd mugent sú irú reht ze ko^vffenn geben, wem vnd wie sú wend, vnd súllent o^vch wir vnd alle v´nser erben vnd nachkomen den selben, wer der ist es sie fro^vwe oder man, der dann irú reht ko^vffet, ob es ze schulden ka^em, rirweklich bi den vorgenanten zinsen vnd rehten beliben lassen in aller der wîse als o^vch den vorbenemten Johansen ze dem Bu^el vnd sin erben âne geua^erde. Vnd ze ainem wâren vrkúnd vnd gantzer sicherhait aller vorgeschribenen ding vnd gedinge so habint wir die vorgenanten Hainrich vnd Walther von Altstetten gebrůder baid v´nsri aigenú insigel fúr v´ns vnd fúr alle v´nser erben vnd nachkomen offenlich gehenkt an disen brief ze ainer bezúgnúste aller vorgeschribenen ding. Der geben ist an dem na^ehsten frytag nach sant Vrbanus tag, do man zalt von Cristus gebúrt drútzehenhundert iâr vnd darnach in dem fúnf vnd sibentzigosten jâre.

Source Fulltext: Chartularium Sangallense IX, Nr. 5456, S. 129-130.