Den erbern weisen mannen . . den burgern dez rats der stat zu Vlm^e etc. embieten wir die burger dez rats der stat zu Nu^er(nberg) vnser will(ig) dienst. Wir lazzen euch wizzen, daz vnser herre der keyser swerlichen clagt herren vnd steten von euch vnd von andern steten, als ir dez wol vnterweist werdet von Otten Rat burger zu Vlm^e vnd von Conr. in der Pewnt burger zu Costnitz. Darumb biten wir euch vnd raten euch mit gantzen trewen vnd ernst, daz ir bey vnsers herren . . dez keysers gnaden vnd hulden beleibet vnd vnserm herren dem ku^enig seinem sůn sulch huldung tut, als der merer teyl aller der stet in dem reich in Tewtschen landen getan haben, vnd auch sulch brief nemt, als ander stet v^eber ir freyung genomen haben, vnd wir besorgen daz, ob ir dez niht entet, daz ir gar swerlichen in vnsers herren . . dez keysers vnd in dez ku^enigs seins sůns vngenade vallend wurdet, daz dem reich schedlichen vnd euch verderbenlichen wu^erde^a).

Source Fulltext: Chartularium Sangallense IX, Nr. 5524, S. 197.