Hainricus^a) dei gracia episcopus Constantiensis¹ universis Christi fidelibus tam presentibus quam futuris presentes nostras litteras intuentibus subscriptorum noticiam cum salute. || Cum pie recordationis quondam dominus Hermannus abbas monasterii sancti Galli² ordinis sancti Benedicti nostre dyocesis, dum in humanis fuit, ob laudem et honorem || omnipotentis dei, gloriose virginis Marie et omnium sanctorum necnon pro salute et remedio omnium Christi fidelium animarum divinique cultus ob augmentum || de consensu et voluntate religiosorum et dilectorum in Christo conventus monasterii sancti Galli prefati et quondam Jacobi dicti Nanden perpetui vicarii ecclesie parrochialis sancti Petri in Wil³ dicte nostre dyocesis unam primariam sive perpetuam missam per sacerdotem ydoneum in altari beate Katherine virginis in cappella seu ecclesia filiali beati Nicolai⁴ episcopi infra muros opidi in Wil dicte nostre dyocesis sito perpetuo habendam seu celebrandam etiam de consensu opidanorum eiusdem opidi in Wil benivolo et expresso sub certis annuis redditibus subscriptis primissario seu prebendario dicte perpetue misse et altaris pro tempore existenti de certis et validis bonis et possessionibus perpetuo dandis et exsolvendis, qui redditus nunc se ad decem libras denariorum Constan(tiensium) extendunt et estimantur, sub modo et forma, prout in litteris⁵ dotationis dicte perpetue misse seu primarie sigillis abbatis et conventus et quondam Jacobi predictorum pendentibus sigillatis premissa et alia plenius continentur, dotaverit et sic fieri ordinaverit, quodque prefatus quondam dominus Hermannus abbas dotatione et ordinatione predictis sie ut prescribitur existentibus et nondum auetoritate nostra ordinaria confirmatis diem suum clauserit extremum. Nunc autem nobis per eos, quorum interest, humiliter et cum instantia debita supplicatum existit, ut dotationem et ordinationem dicte primarie seu perpetue misse per dominum abbatem prescriptum ut premittitur faetas admittere et approbare necnon auctoritate nostra ordinaria predieta confirmare dignaremur. Nos igitur Hainricus episcopus Constantiensis prefatus attendentes petitionem nobis in hac parte factam rationi fore consonam et quia ea, que in augmentum divini cultus, quem nostris temporibus augeri desideramus, a Christi fidelibus rationabiliter ordinantur, benigne prosequimur et ex debito pastoralis officii amplexamur, habita inquisitione diligenti super premissis invenimus dotationem et ordinationem dicte primarie seu perpetue misse prefatas rite et debite fore faetas ac processisse necnon consensus conventus monasterii sancti Galli prefati, Jacobi perpetui vicarii ecclesie sancti Petri predicte necnon opidanorum opidi in Wil prefati prescriptorum benivolos et expressos intervenisse ac etiam, quod premissarius seu prebendarius eiusdem perpetue misse et altaris prescripti per huiusmodi redditus ut prescribitur in illis locis honorifice potest sustentari, dotationem et ordinationem primarie seu perpetue misse dicti altaris prescriptas iuxta tenorem litterarum dotationis et ordinationis earundem et ut premittitur desuper confectarum ad petitionem prefatam nobis in hac parte factam circa omnia et singula, prout ipsorum oportunitas et necessitas requirunt, admittimus ratificamus approbamus ipsasque auctoritate nostra ordinaria prefata hiis inscriptis in dei nomine confirmamus, volentes easdem dotationem et ordinationem sub modo et forma, prout in litteris predictis desuper confectis continetur, ab omnibus Christi fidelibus imperpetuum inviolabiliter observari, ita tamen quod canonica institutio primissarii seu prebendarii dicte perpetue misse et altaris, quotiens fuerit oportunum, fiat sine omni preiudicio et gravamine parrochialis ecclesie sancti Petri supradicte. Datum Constantie, anno domini millesimo trecentesimo septuagesimo sexto, VII° kln. mensis septembr., indictione XIIII^a.

Source Fulltext: Chartularium Sangallense IX, Nr. 5528, S. 199-201.