Ich Johans Schůlmaister¹, den man nempt Na^egringer², burger ze sant Gallen vergich offenlich mit vrkúnd dis briefs, || daz mich der erwirdig herr her Cůn von Sto^effeln probt^a) vnd pfleger des gotzhus ze sant Gallen³ bezalt vnd gantz||lich gewert ha^vt sehs vnd zwaintzig guldin gůter an dem gold vnd swa^er an gewiht von Oswald des Na^entzingers wegen, || darvmb mir des selben Oswalds Na^entzingers harnasch stůnd, daz selb harnasch ich darvmb ledig liess. Vnd des ze vrkúnd diser vergiht henk ich Hans Schůlmaister, dem man spricht Na^egringer, min aigen insigel an disen brief. Der geben ist ze sant Gallen an sant Jacobs tag des zwelfbotten in dem jar, do man zalt von Cristi gebúrt drúzehenhundert jar vnd darnach in dem sehs vnd sibentzigosten jare.

Source Fulltext: Chartularium Sangallense IX, Nr. 5521, S. 193.