Wir Leupolt von gots gnaden herczog ze Osterich¹ ze Steyr ze Kernden vnd ze Krain graf ze Tyrol etc. tun || kunt vmb das dorff ze Sulcz², das vnsers getriwen Chunr. von Gachnang³ sacz von vns ist, daz derselb || Chunr. den vorgenanten sacz vnserm getriwen Rudolfen dem Hoppler von Winterturr⁴ mit vnsern gunst vnd gutem || willen verkoufft hat, dauon haben wir den egenanten kouff des vorgenanten saczes bestêt vnd bestêten ouch wizzenclich, also daz der obgenant Hoppler vnd sin erben den vorgenanten sacz innhaben vnd niessen sullen nach der brief sag, di wir dem egenanten Gachnang darumb gegeben haben, doch dem hochgebornen fursten vnserm lieben brůder herczog Albrechten⁵ vns vnd vnsern erben an der losung vnschedlich. Mit vrkund dicz briefs. Geben ze Schafhusen⁶ an dornstag vor dem palmtag anno domini millesimo CCC^mo LXXVII^mo.

Source Fulltext: Chartularium Sangallense IX, Nr. 5570, S. 242.